خولا ستێرێن ئیراقێ هاتە راوەستاندن
فیدراسیۆنا تەپا پێی یا ئیراقێ ب فەرمی راگەهاندن یاریێن گەرا پێنجێ ژ خولا ستێرێن ئیراقێ بۆ ماوەیێ دو حەفتییان دێ هێتە راوەستاندن پێخەمەت بەرهەڤیێن هەلبژارتیێ ئیراقێ بۆ هەردو یاریێن ڤاڤارتنا كێشوەرێ ئاسیا بۆ مۆندیالا جیهانی 2026ێ.
ل دووڤ خشتەیێ هاتییە بەلاڤكرن هەر ژ ئەڤرۆ هەتا 22ـێ ڤێ مەهێ خولا ستێرێن ئیراقێ دێ هێتە راوەستاندن ئانكو یاریێن گەڕا پێنجێ، شەشێ و حەفتێ بۆ دووماهییا ڤێ مەهێ هاتنە پاشئێخستن، ژبەر بەرهەڤیێن هەلبژارتیێ ئیراقێ بۆ هەردو یاریێن دەستپێكی یێن كۆما شەشێ ژ ڤاڤارتنێن كێشوەرێ ئاسیا دەربازبوون بۆ مۆندیالا جیهانی یا 2026ێ، یارییا ئێكێ دێ ل یاریگەها بەسرا مێڤاندارییا هەلبژارتیێ ئەندونیسیا كەت، یارییا دویێ ل21ێ ڤێ مەهێ ل باژێرێ هانۆی بیتە مێڤانا هەلبژارتیێ فێتنام ژ چارچووكێ كۆما شەشێ ئەوا هەلبژارتیێ چاپان ژی دگەل دایە.
بۆ زانین راهێنەرێ هەلبژارتیێ ئیراقێ یێ ئسپانی كاساس 25 یاریزان بۆ ناڤ رێزێن تیما خوە داخواز كرینە ژبۆ ئەڤان هەردو یارییان ژ وانا پێنچ یاریزانێن كورد دناڤ دانە ئەو ژی، میرخان دوسكی، یوسف ئەلئیمام، ئەحمەد عەلی ئۆسانە رەشید و پەشەنگ عەبدوللا.
