ب گوژمێ هەشت ملیار دیناران پڕۆژە ل ناوچەداریا گردەسێن دهێنە بجهئینان
ئاكرێ، رەمەزان زەكەریا:
د چارچوڤێ بجهئینانا پڕۆژەیێن خزمەتگوزاری ل سنوورێ دەڤەرداریا ئاكرێ هەژمارەكا پڕۆژەیێن خزمەتگوزاری ب گوژمێ هەشت ملیار دیناران ل ناوچەداریا گردەسێن نوكە د قووناغا بجهئینانێ دانە.
شەعبان خەلیل بەرواری، دەڤەردارێ ئاكرێ ب وەكالەت بۆ ئەڤرۆ گۆت: «كاروانێ ئاڤەدانكرنێ یێ حوكمەتا هەرێما كوردستانێ و گەهاندنا پڕۆژەیێن خزمەتگوزاری بۆ وەلاتیان یێ بەردەوامە، نوكە هەژمارەكا بەرچاڤ یا پڕۆژەیان ل سەنتەرێ ناوچەداریا گردەسێن د قووناغا بجهئینانێ دانە و د دەمەكێ نێزیك دا دێ ب دووماهی هێن و كەڤنە د خزمەتا وەلاتیێن دەڤەرێ دا».
ناڤبری گۆتژی: «ل سەنتەرێ ناوچەداریا گردەسێن ب گوژمێ هەشت ملیار دیناران پڕۆژە د بیاڤێن جودا دا دهێنە بجهئینان و د قووناغا تەمامبوونێ دانە، پشتی تەمامبوونێ دێ مفایەكێ مەزن گەهیننە وەلاتیێن وان جهێن پڕۆژە لێ دهێنە بجهئینان».
