ڤۆلی بۆلا گارە دێ نوونەراتییا دهوكێ د خولێن كوردستانێ و ئیراقێ دا كەت
شاهۆ فەرید:
د داخویانیەكێ دا ئاراز ئێحسان راهێنەرێ ڤۆلی بۆلا یانەیا گارە بۆ رۆژنامەیا ئەڤرۆ دیار كر ئەوان بەرهەڤیێت خوە كرینە و یەكەیێن راهێنانان دەسپێكرینە، هەمی پێكهاتێ تیما وان ناڤخوەیی نە، هەكە پێدڤی بۆ بهێزكرنا تیما خوە دێ یاریزانان ژ دەرڤە ئینین، ب هیڤی نە بگەهینە خۆلا نایابا ئیراقێ و كوردستانێ، یا ئیراقێ دێ 15 مەها بهێت دەستپێبكەت لێ یا كوردستانێ دیار نەكریە بتنێ ئاگەهدار كرینە بۆ بەرهەڤیان، سەروكێ یانەیا گارە شێروان بەشاری خوە ل یاریزانان و تیمێ كریە خودان كۆ دووبارە ڤێ یاریێ زیندی بكەت، پێداویستی ژی بۆ یاریزانا ئامادەكرینە، ئاستێ یاریزانا ژی یێ ناڤنجیە تنێ ناڤخوەیی یاری كرینە، دێ بینە نوونەرێن دهوكێ هەردو خولێن ڤۆلی بۆلێ دا.
هەروەسان ناڤهاتی گۆت: وەرزێ بوری مە پشكداری كر و دەربازبووین ژی لێ ژبەر كێشەیێن دارایی بەردەوام نەبووین، گەلەك گەنجێن خودان شیان مە هەنە بۆ یارییا ڤۆلی بۆلێ و دەرچوویێن زانكۆ پەیمانگەها وەرزشی ژبەر نەبوونا تیمەكێ خوە لێبكەتە خودان دەستا ژێ بەردەن، یانەیێن مە ژی سەروك و جێگر و ئەندامیێن وانا یاریزانێن تەپاپێی نە یێن یاریێن دی دناڤدا نینن خوە لێ بكەنە خودان، گرنگی تنێ نوكە بۆ تەپاپێی یە و ئەنجام ژی لاوازن، بلا هەر یانەكا دهۆكێ یاریەكێ یا ناڤ و دەنگ بیت نە تەپاپێی تنێ، یانەكا دهوكێ خوە ل باسكێت بۆلێ و ڤولی بۆلا كچا تنێ كریە خودان، لاوازیا ئەندامێن لژنەیا ئۆلمپی ژی كاریگەری سەر ڤان یاریا كریە.
