تۆخێل یێ بایرن میۆنخێ پالددەتە ئینانا مباپی
تۆماس تۆخێل راهێنەرێ یانەیا بایرن میۆنخ یا ئەلمانی دەرگەهێ هەڤڕكیێ بۆ یانەیا بافاری ڤەكرییە ژبۆ دەستڤە ئینانا كێلیان مباپی ستێرێ فرەنسی و یانەیا پاریس سانجێرمان و ب گرنژینڤە گۆت: دێ ب پایسكلێ چمە مباپی هەكە بایرنێ بڕیارا ئینانا وی دا.
تۆخێل بۆ رۆژنامەیا فۆت میركاتۆ گۆت: هەردەمێ داخواز ژ یانەیا بایرنێ بكەم بۆ ئینانا مباپی ئەو ڕەد ناكەن هەكە خوە باوەری ب هاتنا وی نەبیت ژی، من وەكو هەمییان ئاست و شیانێن مباپی یێن دیتن د دەمەكی دا راهێنەرێ پاریس سانجێرمان بووم، كێلیان مباپی یاریزانەكێ بێ ڕەكابەرە هزرمەندە دزانیت چ دڤێت و من پەیوەندیێن باش هەنە دگەل مباپی.
ب شێوەیێ گرنژینڤە گۆت: هەكە مباپی بڤێن بهێت و بایرن میۆنخ رازیبت دێ ب پایسكلێ چمە پاریسێ و ئینمە میۆنخێ، لێ ئەڤ چەندە یا بزەحمەتە لێ دڤێت مروڤ هەر پێشبینیەكێ ژی وەربگریت، وەكو هیڤی گەلەك حەز دكەم وەرزێ بهێت دگەل مە بیت.
