توندترین سزا ل سەر یاریزانەكێ خولا ئیراقێ هاتە سەپاندن
لژنەیا تێهەلچوونێ ل فیدراسیۆنا تەپا پێی یا ئیراقێ ب توندترین سزا ل سەر یاریزانێ یانەیا تەلەبە لوئەی ماجد ئەلعانی دانا ژبەر نە پێگیرییا وی ب رێنمایێن یاسایا فیدراسیۆنێ و سڤكاتی ب بەندێن گرێبەستان.
ل دووڤ ئەوان سزایێن هاتینە بەلاڤكرن، دوورئێخستنا یاریزانێ ناڤهاتی ژ یاریگەهان بۆ ماوەیێ نەهـ مەهان ل دووڤ رێنمایێن لژنەیا پێگیركرنێ، پابەندكرنا یاریزانی ب دانا كۆژمەیێ 20 ملیۆن دیناران بۆ فیدراسیۆنێ، دیسان پابەندكرنا وە ب دانا كۆژمەیێ سزایی وەكو قەرەبوو بۆ یانەیا زەورا ب كۆژمەیێ 50 ملیۆن دیناران دەرئەنجامێ وێ یەكێ كو یاریزان لوئەیی ئەلعانی یانەیا زەورا ژلایێ ماددی ڤە زەرە لێكرییە، دیسان ب هیچ شێوەكێ نابیت یانەیا تەلەبە د ڤەگۆهاستنێن بهێت یێن یاریزانان دا چو یاریزانان ل سەر پێكهاتیێ تیما خوە زێدە بكەت، ئەگەر یانەیا تەلەبە یان یاریزانێ ناڤهاتی دوبارە سەرپێچیكر دێ ب توندترین سزا ل دووڤ رێنمایێن لژنەیا پێگێریی هێنە سزادان، هەروەسان یاریزان لوئەی ئەلعانی ل دووڤ گرێبەستا دناڤبەرا وی و زەورا فەرمی یە هەتا 31-7-2023ێ و نا بیت گرێبەستا چو یانەیان ئیمزابكەت.
