هەژمارەكا پڕۆژەیێن خزمەتگوزاری ل دەڤەرداریا ئامێدیێ دهێنە بجهئینان
بۆ پتر گەهاندنا پڕۆژەیێن خزمەتگوزاری بۆ دەڤەرا ئامێدیێ، د ڤان دووماهیان دا هەژمارەكا پڕۆژەیێن جودا ل سەنتەرێ دەڤەداریا ئامێدیێ كەفتینە د بیاڤێ بجهئینانێ دا.
وارشین سەلمان، دەڤەردارێ ئامێدیێ بۆ رۆژناما ئەڤرۆ دیار كر، د ڤێ دووماهیێ دا هەژمارەكا زۆرا پڕۆژەیێن خزمەتگوزاری ل سنوورێ دەڤەرداریا وان كەفتینە د وارێ بجهئینانێ دا، ژ وان ژی: پڕۆژەیێن گەشتیاری ل دەوروبەرێن ئامێدیێ دهێنە چێكرن، پڕۆژەیێ سیستەمێ پریپەید و كارەبا 24 دەمژمێری بۆ سەنتەرێ ئامێدیێ هاتیە دابینكرن، پڕۆژەیێ گەهاندنا تۆڕا ئاڤێ بۆ پشتا ڕەزان، پڕۆژەیێ دروستكرنا قوتابخانەیەكا 12 ڕێزی ل تاخێ مرێبكا و پڕۆژەیێ چێكرنا ڕێكا بێبادێ بۆ ئاشێ پراعیسێ، پڕۆژەیێ نووژەنكرنا قوتابخانەیا قوببەهان، دێرا كەڤن، مزگەفتا مەزن، پڕۆژەیێ چێكرنا پاركەكێ ل دەرگەهێ ئامێدیێ، چێكرنا ئاڤاهیێ كۆلیژا پەروەردەیا بنیات ئامێدییێ بێبادێ، چێكرنا ئاڤاهیێ دادگەها ئامێدیێ و گەلەكێن دی.
وارشین گۆت: «هندەك ژ ڤان پڕۆژەیان ب داوی هاتینە و هندەكێن دیتر كار ل سەر دهێتە كرن و هندەك ژی د دەمەكێ نێزیك دا دێ دەست ب چێكرنا وان هێتە كرن، ئەڤ هەموو پڕۆژە دێ كەڤنە د خزمەتا خەلكێ دەڤەرا ئامێدیێ دا».
