كارگەهەكا غازێ ل ناوچەداریا بجیلێ دێ هێتە ڤەكرن
صەباح زوهێر زێباری:
رێڤەبەرێ ناوچەداریا بجیلێ یا سەر ب دەڤەرداریا ئاكرێ ڤە بۆ روژناما ئەڤرۆ دیار كر كو ل سنوورێ ناوچەداریا بجیلێ هەژمارەكا پڕۆژەیێن جودا جودا یێن خزمەتگوزاری دهێنە بجهئینان و كار ل سەر دهێتە كرن و هندەك ژ وان ژی بەر ب دووماهیێ نە و دێ كەڤنە د خزمەتا وەلاتیان دا.
بروا فاروق، رێڤەبەرێ ناوچەداریا بجیلێ گۆت: «نوكە پڕۆژەیەكێ وەبەرهێنانێ، كو كارگەهەكا نوو یا غازێ یە ل سەنتەرێ ناوچەداریا بجیلێ دهێتە چێكرن، ئەڤ پڕۆژە ب رێژەیا 95%ێ تەمامبوویە و ب تنێ هندەك كارێن بچووك د ناڤ پڕۆژەی دا ماینە و دێ تەمام بیت».
ناڤهاتی گۆتژی: «ڤەكرنا كارگەها غازێ پێنگاڤەكا باشە، دێ خزمەتەكا مەزن بۆ خەلكێ ڤێ دەڤەرێ ب گشتی كەت و ئاریشەیا كێمیا غازێ نامینیت و خەلكێ دەڤەرێ پێدڤی جهێن دی نابیت، ئەڤ پڕۆژە ژی ل دەمەكێ نێزیك دێ ب دووماهی هێت و كەڤیتە د خزمەتا خەلكێ ڤێ دەڤەرێ دا».
