رۆژا جیهانیا نەخۆشیا شەكرێ ل شێلادزێ ب چەند چالاكیان هاتە ساخكرن
ئامێدیێ، مەحمود نهێلی:
ب بەرهەڤبوونا بەرەڤان حەمدی، بەرپرسێ لقێ 18 یێ پارتی دیموكراتی كوردستان و وارشین سلمان، دەڤەردارێ ئامێدیێ و د. ئەفراسیاب موسا، رێڤەبەرێ گشتی یێ ساخلەمیا دهۆكێ، رۆژا جیهانیا نەخۆشیا شەكرێ ل بازارێ شێلادزێ ب ئەنجامدانا هەژمارەكا چالاكیان دوهی ١٤/١١/٢٠٢٣ هاتە ساخكرن.
ب ڤێ هەلكەفتێ چەندین پشكنین بێ بەرامبەر بۆ خەلكێ وێ دەڤەرێ هاتنە ئەنجامدان، هەروەسا ئامیرێن پشكنینا شەكرێ ب سەر نەخۆشێن تووشبوویێن ئێشا شەكرێ هاتنە پارڤەكرن.
بڕیارە هەر ب ڤێ هەلكەفتێ ئەڤرۆ ل دێرەلۆكێ ژی چەند چالاكی بهێنە ئەنجامدان و تێدا پشكنین بۆ خەلكێ دەڤەرێ بێ بەرامبەر بهێنە كرن.
