وەزیرێ ئەوقافێ: ئەم خوە ب قەردارێن مامۆستایێن ئایینی دزانین
ئاكرێ، رەمەزان زەكەریا:
د. پشتیوان سادق، وەزیرێ ئەوقاف و كاروبارێن ئاینی ل حوكمەتا هەرێما كوردستانێ دوهی 14/11/2023 ل گەل مامۆستایێن ئاینی یێن دەڤەرداریێن ئاكرێ و بەردەڕەش كۆمبوو.
وەزیرێ ئەوقافێ ل حوكمەتا هەرێما كوردستانێ د كۆمبوونێ دا گۆت: «دەمێ چار سالێن بووری بەردەوام مە بەحسێ مامۆستایێن خۆبەخشێن ئاینی ل گەل سەرۆكێ حكومەتێ كریە و هەردەما رەوشا ئابووریا حوكمەتێ باشبوو دێ ئەولەویەت بۆ مامۆستایێن خۆبەخشێن ئاینی بیت، ژ بەركو ئەم خۆ ب قەردارێن مامۆستایێن ئاینی دزانین».
ناڤهاتی د وێ كۆمبوونێ دا ل گەل مامۆستایێن ئاینی بەحس ل گرنگیا پێكڤەژیانێ كر، ك هەرێما كوردستانێ هەموو ئاین تێدا دژین بەلێ ب رێژەیا 90% ئاینێ ئیسلامێ یە و گۆت: «دو سالە مە پەیمانگەها ئیسلامی ڤەكری و مەبەست ژێ ئەوە مامۆستایێن ئاینی یێن كوردپەروەر و نیشتمانپەروەر بهێنە پێگەهاندن».
