نێزیكی 700 ملیۆن دۆلاران وەبەرهێنان ل دهۆكێ هاتیەكرن
دهۆك، لەزگین جۆقی:
رێڤەبەریا گشتی یا وەبەرهێنانێ ل پارێزگەها دهۆكێ دیار كر، د كابینەیا نەهێ یا حوكمەتا هەرێما كوردستانێ دا ب سەرمایێ نێزیكی 700 ملیۆن دۆلاران وەبەرهێنان ل پارێزگەها دهۆكێ هاتیە كرن و 65 مۆهلەت بۆ پڕۆژەیێن وەبەرهێنانێ هاتینە دان.
فەلاح حاجی، بەرپرسێ راگەهاندنێ ل رێڤەبەریا گشتی یا وەبەرهێنانێ ل پارێزگەها دهۆكێ دیار كر، ل دووڤ بڕیارا جەنابێ سەرۆكێ حوكمەتا هەرێما كوردستانێ مەسرور بارزانی دڤێت 75% یا دەستێ كاری بۆ وەلاتیێن ناڤخوە بیت، لەوما ژی كەرتێ وەبەرهێنانێ شیایە پتری 120 هزار دەلیڤەیێن كاری بۆ وەلاتیان پەیدا بكەت، كو 20 هزار ژ وان دەلیڤەیان راستەوخۆنە و 100 هزارێن دیتر ژی ب رەنگەكێ نەراستەوخۆ هاتینە پەیداكرن.
بەرپرسێ راگەهاندنێ ل رێڤەبەریا گشتی یا وەبەرهێنانێ ل پارێزگەها دهۆكێ گۆت: «65 مۆهلەت بۆ پڕۆژەیێن وەبەرهێنانێ هاتینەدان، ژ وانا ژی د وارێ پیشەسازی و چاندن و گەشتیاری و بازڕگانی و فێركرن و ساخلەمیێ دانە».
