دەڤەردارێ دهۆكێ دووڤچوونا پرۆسا بەلاڤكرنا گازێ دكەت
ئیسماعیل محەمەد، دەڤەردارێ دهۆكێ دوهی 2/12/2023 ب مەرەما دووڤچوونا پرۆسا بەلاڤكرنا گازا سپی، سەرەدانا گورەپانا بەلاڤكرنا گازا سپی كر و ژ نێزیك ئاگەهداری پرۆسا بەلاڤكرنا گازێ ل سەنتەرێ باژێرێ دهۆكێ بوو.
دەڤەردارێ دهۆكێ دیار كر، ل رۆژێن بهێن تانكەرێن بەلاڤكرنا گازێ دێ هێنە زێدەكرن، داكو زووتر خەلك بەهرا خوە یا گازێ وەربگریت.
بۆ زانین هەتا نوكە د ناڤ سەنتەرێ باژێرێ دهۆكێ دا پتری 61 هزار پلێتێن گازا سپی ل سەر سەرۆكخێزانان هاتینە بەلاڤكرن و پتری 28 هزار خێزانان بەهرا خوە یا گازا سپی وەرگرتیە.
دهێتە چاڤەرێكرن ل ڤان نێزیكان پلێتێن گازێ ل سەر بنگەهێ 231 یێ بریكارێن ئاهێن خوارنێ، بهێنە بەلاڤكرن.
