پارتی ڤێ حەفتیێ دێ ڤەگەڕیتە زوممار
دهۆك، لەزگین جوقی:
بەرپرسێ لژنا پارتی ل زوممار دیار كر، د ڤێ حەفتیێ دا دێ پارتی ڤەگەڕیتە زوممار و نوكە ئامادەكاری بۆ زڤڕینا لژنا پارتی ل زوممار یێ دهێنە كرن.
حەسەن خەلۆ، بەرپرسێ لژنا پارتی ل زوممار بۆ ئەڤرۆ دیار كر، دەست ب ئامادەكاریان بۆ زڤڕینا پارتی ل زوممار هاتیە كرن و گۆت: «د ڤێ حەفتیێ دا دێ پارتی زڤڕیتە زوممار و لژنا پارتی ب فەرمی ل زوممار دێ هێتە ڤەكرن و خزمەتا وەلاتیان كەت، خەلكێ زوممار چاڤەرێی زڤڕینا لژنا پارتی نە، وەلاتی پشتەڤانیێ ل پارتی و بەربژارێن پارتی بۆ هەلبژارتنێن جڤاتا پارێزگەها نەینەوا دكەن».
حەسەنی ئاشكرا ژی كر، ژ ئەگەرێ خیانەتا 16ی ئوكتۆبەرێ لژنا پارتی ل زوممار نەمابوو، نوكە ب سەربلندی دێ لژنا پارتی زڤڕیتە زوممار و دەست ب كار و خەباتا خوە كەت و گۆت: «خەلكێ زوممار بەردەوام داخواز دكر پارتی بزڤڕیتە دەڤەرێ، ژ بەركو پارتی بێ جوداهی خزمەتا هەمی دەڤەران دكەت و ئەو دەڤەرا پارتی تێدا بیت ئاڤەدانی و ئاشتی و پێكڤەژیان لێ هەیە».
