هەر هەڤپشكەكێ بڤێت دشێت كارەبا خوە بكەتە پریپەید
وەزارەتا كارەبێ یا هەرێما كوردستانێ ڕاگەهاند، هەر هەڤپەشكەكێ كارەبێ یێ بڤێت كارەبا خوە بكەتە پریپەید، بلا پەیوەندییێ ب مە بكەت.
وەزارەتا كارەبێ یا هەرێما كوردستانێ ئاگەهداریەك ئاراستەیی ڕێڤەبەریێن گشتیێن كارەبێن، هەولێر، دهۆك و سلێمانیێ كر و تێدا هاتیە: «هەر هەڤپشەكێ بڤێت كارەبا خوە بكەتە پریپەید، بلا سەرەدانا ڕێڤەبەریێن كارەبا سنوورێن خوە بكەت و فۆرمێ پڕ بكەت، داكو كارێ پێدڤی بۆ بجهئینانا سیستەمی بهێتە كرن».
سیستەمێ پریپەید سیستەمەكە، یەكەیێن كارەبێ تێدانە، ب شێوەیەكی كار دكەت، كو هەڤپشكێن كارەبێ ب رێیا پڕكرنا بالانسێ كارەبێ دكڕن.
وەزارەتا كارەبێ یا هەرێما كوردستانێ وەسا دبینیت، ب رێیا سیستەمێ پریپەید ئاریشەیا وەرگرتنا كرێ و قەرێن كارەبێ د ناڤبەرا وەزارەتا كارەبێ و هەڤپشكێن كارەبێدا دێ هێتە چارەكرن.
