شاندێ بلندێ هەلبژارتنێن پارتی سەرەدانا مەكتەبا رێكخستنێ ل دهۆكێ كر
دكتۆر پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی دیموكراتی كوردستان ل پارێزگەها دهۆكێ دوهی 5/12/2023 پێشوازی ل هشیار زێباری، ئەندامێ دەستەیا كارگێری یا مەكتەبا سیاسی و سەرۆكێ لژنا بلندا هەلبژارتنێن پارتی بۆ هەلبژارتنێن بهێن یێن پەرلەمانێ كوردستانێ و زەعیم عەلی، ئەندامێ مەكتەبا سیاسی و شاندێ د گەل دا كر.
د كۆمبوونەكێ دا بەحسێ بهێزبوون و سەركەفتنا پارتی د هەلبژارتنێن جڤاتێن پارێزگەهێن ئیراقێ دا هاتە كرن، كو سەركەفتنا پارتی سەنگێ مان و نەمانا قەوارێ دەستووریێ هەرێما كوردستانێ و كەرامەتا گەلێ كوردستانێ یە، دیسا بۆ سەركەفتنا پارتی، ئەركێ كادران هاتە بەحسكرن و چاوانیا باشتركرن بەرهەڤی و سەركەفتنا پرۆسێ گەنگەشەكرن.
ئاماژە ب وێ چەندێ كرن كو دڤێت كادرێن پارتی گەلەك ب دلسۆزی و ب خەمخوری ب ئەركێ خوە راببن و ئەم چاڤەرێی سەركەفتنا پرۆسێ و پارتی دكەین.
