داخواز ژ من کر کو دگەل دەربکەڤم
کچەکا ٢٤ سالی دلێ خوە بۆ روژناما ئەڤرو ڤەدکەت و دبێژیت: “ئەز ل قوناغا 11 ئامادەیی دخوونم، ئەڤە ماوەیەکە ئەز و گەنجەک حەز ژ ئێکدو دکەین کو ئەو 26 سالە و ل ھەمان قووناغ دخوونیت و ئەم ب ھەڤراینە و ل ئێک قوتابخانە دخوونین، خواندنا ئێڤاران، ئه‌و پێشمەرگەیە ژی “.
زێده‌تر دبێژيت: “وی داخواز ژ من کر کو ئەز د گەل دەربکەڤم من ژی گوتێ ئەز ناھێم و نەشێم لێ وی ئەز ھێلام ھەر چەندە چ ھزرێن خەلەت نەبوون، بەلێ دڤیا ل گەل من باخڤیت و پشتی وی ئەز ھێلایم دلێ من ب دووڤ رایە چونکو ئەز گەلەک حەز ژێ دکەم ئەڤجا ھوون بۆ ڤێ ئاریشا من چ دبێژن؟ ئەز چ بکەم؟
کچا ھێژا :
ب راستی تە کارێ دروست یێ کری کو تو د گەل دەرنەکەفتی و پەشیمان نەبە و هه‌كه براست ئەڤینیێ بکەت دڤێت باوەریا وی زێدەتر ب تە ھاتبا کو ئەڤ چەندە پاقژیا تە دیار دکەت و هه‌كه ھزرێن شاش نەبن ھەر گاڤەکێ دشێت د گەل تە باخڤیت و بزانە کارێن شاش ب کارەکێ بچووک دەست پێ دکەت لەوما ئاگەهـ داربە و باشتر یا ھشیاربە و باشترە ھەردەم خوە ب پارێزی و هه‌كه ئەڤینی یا راست و دروست بیت پێدڤی وێ چەندێ نابیت کو خوە دوور بکەت ژ بەر کارێ دروست تە ئەنجام دايی و یاگەش بین بە دبیت گەلەک جاران ئەو کار د بەرژەوەندیا مرۆڤی دایە، ئەڤجا یا بەردەوام بە بۆ پێکئینانا خێزانێ نە ژ بوو بورینا دەمێ ڤالا نەخاسمە چەند گەنج خودانێن ڤان ھزرانە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
