شوكرى رێكانى به‌رهه‌مه‌كێ نوو يێ هه‌يى
ئه‌ڤرۆ:
سترانبێژێ وەغەرکریێ کۆچک و دیوانان شکری رێکانی، بەرھەمەکێ نە بەلاڤکری ھەیە و چوو بزاڤ ژی نینن بۆ بەلاڤکرنا وی بەرھەمی، و ژلایەکێ دنڤە کەس و کارێن وی دخوازن کو وەکو رێزگرتنەک پەیکەرەک بۆ بھێتە دروستکرن.
رێبەر رێکانی برازایێ سترانبێژ شوکری رێکانی، بۆ بەرپەرێ ھونەریێ ئەڤرۆ دیارکر کو ئەو دخوازن پەیکەرەک بۆ شکری رێکانی بھێتە دروستکرن گۆت: شوکری رێکانی ھەموو جورێن سترانێن کۆچک و دیوانان دگۆتن مینا ئەڤینی، سیاسی و سترانێن شەڕان و گەلەک جورێن دن و سترانێن وی رەنگڤەدانەکا مەزن ھەبوویە ل سەر حەزژێکەرێن سترانێن کۆچک و دیوانان ب گشتی و خەلکێ دەڤەرا شێلادزێ ب تایبەتی
زێدەتر گۆت: ئەم وەکو مالباتا شکری رێکانی دخوازین وەکو رێزگرتنەک بۆ کار و خەبات و بزاڤا وی یا ھوونەری پەیکەرەک ل دۆڕیانا دەستپێکا شێلادزێ ژلایێ رۆژئاڤایێ ڤە بۆ بھێتە چێکرن
رێبەر رێکانی گۆت: شوکری رێکانی بتنێ ئێک بەرھەمێ نە بەلاڤکری ھەیە و ھێشتا کارتێداکرنا وێ تەمام نەبوویە و چوو ناڤ ژی نەداناینە سەر و چوو ھەول و بزاڤ ژی نینن بۆ تەمامکرن و بەلاڤکرنا ئەڤی بەرھەمی .
سترانبێژێ کۆچک و دیوانان ل ١٠-٧-٢٠١١ د روودانەکا دلتەزین دا، ل ناحیا شێلادزێ ھاتبوو کوشتن و ل گۆرستانا شێلادزێ ھاتیە ڤەشارتن، ئێک بوو ژ وان پێشمەرگێن خانەنشینکری کو رۆلەکێ کارا ھەبوو دبزاڤا رزگاریخوازیا کوردستانێ دا و خودانێ چەندین بەرھەم و کلیپێن کۆچک و دیوانایە.
