پارێزگارێ دهۆكێ بەرێ بنیاتی بۆ پڕۆژەیەكی دانا و ئێك ژی ڤەكر
بەردەڕەش، رەمەزان زەكەریا:
پشتی سەرەدانا سەرۆك بارزانی بۆ دەڤەرداریا بەردەڕەش ل دووڤ داخوازیێن خەلكێ وێ دەڤەرێ، هۆلەكا بیرەوەریان یا مەزن ل بەردەڕەش دێ هێتە دروستكرن.
ل ژێر چاڤدێری و ب بەرهەڤبوونا د. عەلی تەتەر، پارێزگارێ دهۆكێ و دەڤەردارێ بەردەڕەش و هەژمارەیەكا رێڤەبەرێن حكومی و حزبی و كەسایەتیێن دەڤەرێ دوهی 11/12/2023 بەرێ بنیاتی بۆ پڕۆژەیێ رەوشەنبیری و هۆلا بیرەوەریان ب گوژمێ پتری حەفت ملیار دیناران ل سەر بودجەیا پارێزگەها دهۆكێ هاتە دانان.
ئاڤاكرنا هۆلا بیرەوەریان دێ خزمەتەكا باش و بەرچاڤ پێشكێشی خەلكێ دەڤەرداریا بەردەڕەش كەت.
دیسا هەر د سەرەدانا خوە دا بۆ دەڤەرداریا بەردەڕەش، پارێزگارێ دهۆكێ سەرەدانا كارگەهێن ئاسن و فینگەرا و LPG كرن و ژ نێزیكڤە هایداری رەوش و چاوانیا كاركرنا وان بوو.
دیسا هەر دوهی د. عەلی تەتەر، پارێزگارێ دهۆكێ نەخۆشخانا شریان یا كەرتێ تایبەت ل سەنتەرێ باژێرێ دهۆكێ ڤەكر.
