ئاریشەیا كێمئاڤیێ ل دهۆكێ دێ هێتە چارەكرن
ب مەرەما چارەسەركرنا كێشەیا كێمئاڤیێ ل سنوورێ پارێزگەها دهۆكێ، ل سەر راسپاردەیا پارێزگارێ دهۆكێ شاندەكێ پارێزگەهێ سەرەدانا پڕۆژەیێ بەنداڤا مووسلێ كر.
ل سەر راسپاردەیا پارێزگارێ دهۆكێ دكتۆر عەلی تەتەر، ب مەرەما چارەكرنا كێشەیا پڕۆژەیێن ئاڤێ ئەوێن دكەڤنە سەر بەنداڤا مووسلێ ڤە، شاندەكێ پارێزگەها دهۆكێ، كو ژ رێڤەبەرێ بەنداڤا دهۆكێ و رێڤەبەرێ ئاڤا دهۆكێ و رێڤەبەرێ ئاڤدێری ل دهۆكێ و نووونەرێ رێڤەبەریا ئاڤا دەوروبەرێن پارێزگەها دهۆكێ پێك هاتبوو، سەرەدانا بەنداڤا مووسلێ كر و ژ لایێ رێڤەبەرێ بەنداڤا مووسلێ ڤە پێشوازی لێ هاتە كرن، د كۆمبوونەكا تایبەت دا بەحسی رەوشا ئاڤێ ل ئیراقێ ب گشتی و هەردو پارێزگەهێن مووسلێ و دهۆكێ ب تایبەت هاتە كرن، پاشی شاندێ پارێزگەها دهۆكێ بەحسی رەوشا ئاڤا ڤەخوارنێ ل پارێزگەها دهۆكێ ب گشتی و تایبەت ل سنوورێ دەڤەرداریا سێمێلێ ل هەردو پڕۆژەیێن ئاڤا خانكێ و فایدیێ كر كو پشتی داكەفتنا ئاستێ ئاڤێ ل بەنداڤا مووسلێ كارتێكرنێن وێ یێن راستەوخوە ل سەر پڕۆژەیێن ئاڤێ كرینە، ب تایبەت ل سنوورێ دەڤەرداریا سێمێلێ و گەنگەشە ل سەر چاوانیا چارەسەركرنا ڤان كێشەیان هاتە كرن، هەردو لایان تاكەز ل سەر هندێ كر، دێ د پەیوەندیێن بەردەوام دا بن بۆ چارەسەركرنا ڤێ كێشەیێ و كونووسەكێ هەڤپشك هاتە ئیمزاكرن و تێدا خالێن چارەسەركرنێ هاتنە دیاركرن.
