تۆڕێن ئاڤێ بۆ هەژمارەكا تاخ و كۆلانێن ئامێدیێ و دێرەلۆكێ دهێنە دانان
ئامێدیێ، مەحمود نهێلی:
ب مەرەما پتر خزمەتكرنا وەلاتیان و نەهێلانا ئاریشەیا كێمیا ئاڤێ ل دەڤەرێ دەست ب چێكرن و دانانا تۆڕێن ئاڤێ ل هەژمارەكا تاخێن سەنتەرێ دەڤەرداریا ئامێدێ و ناوچەداریا دێرەلۆكێ هاتیە كرن.
ئەندازیار بەشار حەجی، بەرپرسێ فەرمانگەها ئاڤا ئامێدیێ بۆ ئەڤرۆ دیار كر، ب مەرەما چارەسەركرنا ئاریشەیا كێمئاڤیێ ل دەڤەرێ، دەست ب چێكرنا پڕۆژەیێ دانانا تۆڕێن ئاڤێ ل هەژمارەكا تاخێن سەنتەرێ دەڤەرداریا ئامێدیێ و سەنتەرێ ناوچەداریا دێرەلۆكێ هاتیە كرن و گۆت: “ئەڤ پڕۆژەیە ژ دانانا تۆڕێن ئاڤێ ب درێژاهیا 15 هزار میتران ل هەر ئێك ژ هەژمارەكا كۆلانێن تاخێن شەهیدان و داستان و ئازادی ل ناوچەداریا دێرەلۆكێ و تاخێ پشتا رەزا ل سەنتەرێ دەڤەرداریا ئامێدێ پێك دهێت”.
گۆتژی: “ئەڤ پڕۆژەیە ئێكە ژ پڕۆژەیێن بودجا تایبەتا پارێزگەها دهۆكێ و گوژمێ 320 ملیۆن دیناران بۆ هاتینە تەرخانكرن و نوكە ئەڤ پڕۆژەیە ل ژێر بجهئینانێ دایە”.
