پارێزگارێ دهۆكێ: 932 پڕۆژەیێن خزمەتگوزاری ل سنوورێ پارێزگەهێ هاتینە ئەنجامدان
د كابینا نەهێ یا حوكمەتا هەرێما كوردستانێ دا 932 پڕۆژەویێن مەزن و بچووك یێن خزمەتگوزاری د بیاڤێن جودا دا ل سنوورێ دەڤەرداریێن جودایێن پارێزگەها دهۆكێ هاتینە ئەنجامداینە.
د. عەلی تەتەر، پارێزگارێ دهۆكێ دوهی 2/1/2024 د كۆنگرەكێ رۆژنامەڤانی دا بەحسێ كار و پڕۆژەیێن حوكمەتا هەرێما كوردستانێ ل پارێزگەها دهۆكێ د ماوێ كابینا نەهێ یا حوكمەتا هەرێما كوردستانێ دا و یێن پار هاتینە ئەنجامدان كر، دیسا پارێزگارێ دهۆكێ سوپاسیا وان هەموو دەزگەهـ و سازیان كر یێن د ماوێ بێهنڤەدانا سەرێ سالێ دا، د ئەركێ خوە دابوون و هیڤیا سەركەفتنێ بۆ خواست.
د دووڤ دا پارێزگارێ دهۆكێ د كەرتێن جودا دا بەحسێ پڕۆژەیێن حوكمەتا هەرێما كوردستانێ د ماوێ بۆری دا هاتینە ئەنجامدان كر و گۆت: “د ئەڤ سالە ژی دا بۆ هەمی دەڤەرێن پارێزگەهێ بێی جوداهی دێ پڕۆژە هەبن و تەكەزی ل سەر ل پێشئێخستنا كەرتێن (چاندنێ و گەشتیاری) كر، دیسا د هەمان دەم دا پشتەڤانییا كەرتێن (رەوشەنبیری، وەرزشی و هۆنەری) و چالاكیێن مرۆڤایەتی دۆپاتكر.
پارێزگارێ دهۆكێ د وی كۆنگرێ رۆژنامەڤانی دا گوتژی: “ب گشتی ٩٩٧ پڕۆژە ل سنوورێ پارێزگەها دهۆكێ هاتینە ئەنجامدان و هندەك ژ وان پڕۆژەیان د بەردەوامن، ژ وان ژی ٦٥ پڕۆژەیێن وەبەرهێنانێ مۆلەت وەرگرتینە و د كاری دانە”.
