ب درێژاهیا نەهـ كیلۆمەتران جاددەیا پەرستگەها لالش دێ بیتە جۆتساید
دهۆك، لەزگین جوقی:
سەرۆكێ باژێرڤانیا دەڤەرداریا شێخان دیار كر، ب درێژاهیا نەهـ كیلۆمەتران جاددەیا پەرستگەها لالش دێ بیتە جۆتساید، ئەڤە ژی دێ بیتە ئەگەر قەرەبالغا زیارەتكاران د دەمێ جەژنێن ئێزدیان دا ل پەرستگەها لالشێ نەمینیت.
خالد نەرمۆ، سەرۆكێ باژێرڤانیا دەڤەرداریا شێخان راگەهاند، كار یێ هێتە كرن بۆ جۆتسایدكرنا جاددەیا پەرستگەها لالشێ و گۆت: «ڤەدیتن هاتینە كرن و پلان هاتیە دانان ئەڤ سالە دەست ب پڕۆژەیێ جۆتسایدكرنا جاددەیا پەرستگەها لالشێ ب درێژاهیا نەه كیلۆمەتران بهێتە كرن، هیشتا پارەیێ پێدڤی بۆ بجهئینانا پڕۆژەی نەهاتیە دابینكرن، ئەڤ پڕۆژە گەلەكێ گرنگە دێ گەلەك خزمەتا دەڤەرا شێخان كەت».
ناڤهاتی گۆتژی: «حوكمەتا هەرێما كوردستانێ چەندین پڕۆژە ل پەرستگەها لالشێ ئەنجامداینە و بەردەوام كار بۆ پتر خزمەتكرنا لالشێ دهێتە كرن».
