هندەک گەنج ژ ئەگەرێ بێ هیڤیبوونێ تنێبوونێ دهەلبژێرن
بێوار حەمدی:
گەنج هەیە حەزدکە ت یێ دووربیت ژ وان ناسنامە و پاشگرێن جڤاک بۆ ددانیت، هندەک ژی ژ ئەگەرێ بێهیڤیبوون و تێربوون ژ جڤاکی درەڤن و بتنێ بونێ دهەلبژێریت، دەرونناسەکێ ژی گۆت (پتریا جاران ژئەگەرێ هزرکرنا نەرێنی یازێدە وهەستێن نەرێنی گەنج بتنێ بونێ دهەلبژێرن)
رێبەر کوردو، شروڤەکار وراگەهاندکارە د دیدارەکێ دا بۆ رۆژناما ئەڤرۆ گۆت، ئەگەر تنێ بون پاڵدەرێ وێ رەوشەکا خرابا دەرونی نەبیت بەلکو هزربیت، ئەگەر خۆ چرکەیەک ژی بیت مرۆڤ تێدا تێر رامانێ بکەت ئەڤە تشتەکێ جوان و باشە، وگۆت (ئەگەر بتنێ بون ژ ئەنجامێ رەوشەکا خرابا سایکولوژی بیت کو تە نەڤێت مروڤان ببینی و تە هێزا چ گهورین وهیڤیا نەما بیت ئەڤە تشتەکێ خرابە )
رێبەری گۆت ژی، هندەک ئەگەر هەنە گەنجی پاڵددەن بۆ بتنێ بوونێ، یائێکێ: دخوازیت بو کێلیکەکێ خوبیت و دووربیت ژ وان ناسنامە و ناسناڤ وپاشگرێن جڤاک ددانیتە سەر، دوو: هندەک گەنج هەنە ژبەر بێ هیڤی بون وتێربونێ ژجڤاکی دڕەڤیت وتنێبونێ دهەلبژێریت، وگۆت (هندەک گەنج هەنە هزردکەن کادێ چەوا ئاراستەیا خویا تایبەتا ژیانێ هەبیت، وهەنە ژی ژ ئەکتیڤی وکێم هزریا خو تنێبونێ دهە لبژێرن)
د بەردەوامیا ئاخفتناخۆدا رێبەرکوردوی دیارکر، ل دەڤ مە کوردا خوە مرنا ب هەڤال ژی یان نەیا بتنێ ژ ژیانا بتنێ وبێ هەڤال ب ڕومەت ترە، لەوما ئەڤێ هەمیێ یاوەکری کۆ کورد دکۆمێ دا بیت ودکومێدا بهێتە بشافتن، هر ژبەرهندێ ژی رەوشا بتنێ بونێ لدەڤ مروڤێ کورد دێ یا نامو وغەریب بیت، وگۆت ( هەلبەت دەمێ دبێژین خوەبون وتنێ بون مەرەم ئەونینە کۆ ژجڤاکی وکۆمێ یێ دویربیت، بەلکو ئەوە کاچەوا دناڤ کومێ دا دێ خوەبی وخوە ژدەست نادەی، بەلێ ئەڤێ چەندێ ژی ئاستەکێ بلند یێ وێرەکیێ وزانینێ پێ دڤێت)
دەرونناس وچاڵاکڤان ئەڤیندار زوبێر ژ لایێ دەرونی ڤە گۆت، تنێ بونێ دوو شێواز هەنە بەلێ نێزیکی ئێکن، ئێک ژوان دەمێ دمینیە بتنێ ودەمێ خو ڤەدەردکەی، تنێ بون حالەتەکێ دەروونیە وئەگەر مروڤ دناڤ کومەکا مروڤان دابیت هەر هەست پێدکەت یێ بتنێ یە ویێ غەریبە وهەست بخوشیێ ناکەت دگەل دەوروبەرێن خۆ، بەلێ کەسێ خو ڤەدەردکەت ب ئێکجاری حەزدکەت خوژ جڤاکی ومروڤان ڤەدەربکەت وحەژ تێکەلیێ ناکەت
دەرونناسێ گۆت ژی، پتریا جاران تنێ بون لدەڤ گەنجا پەیدادبیت ژ ئەگەرێ هزرکرن وهەستێن نەرێنی بەرامبەر خەلکی، هەتاکو لدەڤ نێزیکترین هەڤالێ خوە ژی بیت هە ریێ ئارام نینە چونکی هزرا وی یا نەساخلەمە ، وگۆت (جوداهیا کەسێ خو ڤەدەر دکەت ئەوە ئەگەر یێ بتنێ ژی نەبیت حەزژ تێکەلیێ وپەیوەندیا ناکەت، بونموونە: ئەگەر پێنجی کەس ل دەوروبەرێن وی بن ئەو بتنێ دێ تێکەلیێ دگەل دوکەسان کەت، ژبەرکو د سروشتێ خودا دگەل هەمی مروڤان ناگونجن وخوشیێ ژ پەیوەندیا نابینن)
ل دوماهیێ ژی دەرونناسێ دازانین، رێژەیا بتنێ بونێ ژجڤاکەکی بو ئێکێ دی جیاوازە، ئەڤە ژی دمینیت لدویڤ پەروەردە و رەوشەنبیریا وی جڤاکی، وگۆت (هندی گەنج یێ گرێدای بیت ب داب ونەریتێن جڤاکێ خۆڤە و چەند پتر حەز ژجڤاکێ خوبکەت وخۆ تێدا ببینیت، دێ رێژەیا بتنێ بونا وی ژی یا کێم بیت)
