حەفتیا ئەدەبێ بەرخودانێ دێ ل چار قەزایێن پارێزگەھا دھۆکێ ھێتە گێران
ئەڤرۆ نیۆز: رێوار مزیری:
ل ژێر درۆشمێ (سەنگەرێن پەیڤان ناشکێن) رێڤەبەریا گشتی یا رەوشەنبیری و ھونەری ل دھۆکێ، رێڤەبەریا چالاکیێن وێژەیی ل دھۆکێ ب ھەڤکاری د گەل رێڤەبەریێن رەوشەنبیری و ھونەری ل (زاخۆ، ئاکرێ، ئامێدیێ) و کۆمەلا ھەلبەستڤانێن گەنج ل دھۆکێ دێ حەفتیەکا ئەدەبێ بەرخودانێ ھەر ژ رۆژا ئێکشەمبی ١٥-٣-٢٠١٥ ھەتا رۆژا پێنجشەمبی ١٩-٣-٢٠١٥ ل دەمژمێر ٤ ی ئێڤاری ل چار قەزایێن سەر ب پارێزگەھا دھۆکێ ڤە گێریت.
ھەلگۆرد قەھار رێڤەبەرێ رێڤەبەریا چالاکیێن وێژەیی بۆ ئەڤرۆ نیۆز دیار کر کو ل ھەموو جیھانێ گرنگیەکا مەزن ب ئەدەبێ بەرخودانێ د دەن، چونکو ئەڤ ئەدەبە ب رەنگەکێ ئێکسەر ژ لایێ نڤێسەری ڤە بۆ خەلکی دھێتە ڤەگۆھاستن، و گۆت: “د ڤان کاودانان دا چو وەلاتان ھندی مە پێدڤی ب ڤی ئەدەبی نینە”.
ھەروەسا ناڤھاتی گۆت: “بۆ ئێکەمین جارە ئەڤ جورێ ئەدەبی دێ ل چار قەزایێن سەر ب پارێزگەھا دھۆکێ ڤە (ئامێدیێ، ئاکرێ، دھۆک، زاخۆ) ھێتە پێشکێشکرن و دێ کومەکا ھەلبەستڤانێن مەزن ژ ھەر چار قەزایان تێدا پشکدار بن.
بەرنامێ حەفتیا ئەدەبێ بەرخودانێ دێ ب ڤی رەەنگێ ل خوارێ بیت
ئێکشەمب ١٥-٣-٢٠١٥ ل دەمژمێر ٤ ئێڤاری، ل ھۆلا ئێکەتیا نڤێسەرێن کورد ل دھۆکێ.
دووشەمب ١٦-٣-٢٠١٥ ل دەمژمێر ٤ ئێڤاری ل ھۆلا ئێکەتیا نڤێسەرێن کورد ل دھۆکێ.
سێشەمب ١٧-٣-٢٠١٥ ل دەمژمێر ٤ ئێڤاری ل ھۆلا باژێرڤانیا زاخۆ ل زاخۆ.
چارشەمب ١٨-٣-٢٠١٥ ل دەمژمێر ٤ ئێڤاری ل ھۆلا ناڤەندا وەرزش و لاوان ل ئاکرێ.
پێنجشەمب ١٩-٣-٢٠١٥ ل دەمژمێر ٤ ئێڤاری ل ھۆلا ناڤەندا وەرزش و لاوان ل دێرەلۆکێ.
