ئێڤارەك درەنگ
ناجح بێجانی
ئێڤارەك دڕەنــگ بوو
كۆلكێ مالا مــــە
ل تاخێ بنی بوو،
چ نەمابوو، تیرۆژكێن رۆژێ بەرەف بەرزەبوونێ دبوون،
هێدی هێدی رەشاتیەكێ
داڤێن خوە بەردابوون،
وی بەتەنێ كو دكەڤیتە رەخێ چەپێ، یێ كۆلكێ مالا مە لێ،
ل هیڤیا بانگێ مەلای بــوون،
ژ نیشكەكــێ ڤـــە
زەلامەكێ ب ناڤسالڤەچووی،
دێمێ وی هەمی قۆرمچی بوو،
چاڤێن وی چوو بوونە خوارێ
پرچا وی یا سیپی و
سەر چاڤێن وی یێن
زەرۆ پێتــی و
ب هاریكاریا گۆپالەكــی
پێنگاڤێن خوە دهاڤێتین،
ژ بۆ رێڤــەچوونێ و ڕۆنــاهــیێ
بەرچاڤكــەك ل بەر چاڤان بوو،
ل مالا مە بوویە مێهڤان،
ل وی كولكێ ب لەڤەنان
و بدەستێن باپێرێ من
هاتییە چێكرین
كەرەمكە مام؟
چ چێبوویە
ڤێ ئێڤارا
هۆ دڕەنگ
بڤی رەنگێ
هۆ دامایی
ڕاوەستا و بێ دەنگ
ئاخینكەك ھەلكێشاو
دەست وتبلێن وی
دلەڕزین!
سەرێ خوە هەژاندو
هیڤیەكا مەزن یاهەیی
ژ چاڤێن وی
رۆندك دپەشین!
ددلێ وی دا
ئۆمێد یا هەیی
ب دیمەنەكێ
نیڤ گرنژی و
ئاوریــەكــێ
تێگەهشتم
چی بلیمەتەك بوو،
لێ مخابن ئەوا دل دا
هەر ما دل دا
گۆتە: من مامۆ
بخاتراتــە
ئۆغەرا من
هێشتا یامایی
دڤێت بچم
من
گۆتــێ؛ مــام
هێشتا زوویە
مێهڤان
مێهڤانێن خۆدێ نە
لێ مخابن
ب وی دلێ
شكەستی ودامایی
خاترا خوە ژ من خواست و
بەرێ خوە دا وێ ئۆغەرێ
یا بێ زڤرین
ئەز هشیار بم
ژ خەوا شرین
من دیت
ئەڤە خەونە
ئەڤە خەونە.
