ئه‌ڤرۆ دهۆك دێ مێڤانداريا نه‌فت ميسان كه‌ت
ئه‌ڤرۆ نيوز:
ئه‌ڤرۆ رۆژا شه‌مبى ل ده‌مژمێر 3:30 ده‌قيقه دێ هه‌ڤركيێن گه‌را شه‌شێ ژ قووناغا دويێ يا خولا نايابا عيراقێ هێنه كرن.
د چارچۆڤێ ياريێن قووناغا دويێ ئه‌ڤرۆ بڕياره ل ياريگه‌ها خوه، يانا دهۆك يا وه‌رزشى مێڤانداريا يانا نه‌فت ميسان بكه‌ت.
دهۆك دێ هێته د ڤێ ياريێ دا ب 16 خالان و يانا نه‌فت ميسان ژى ب 15 خالان د ده‌مه‌كى دا كو د ياريا قووناغا ئێكێ دا، دهۆك ل ياريگه‌ها نه‌فت ميسان سه‌ركه‌فتن ل سه‌ر تۆمار كربوو ب دو گۆلێن پاقژ.
ب گۆره‌يى زانياريان كاوه دينۆ گۆلچيێ تيمێ نه‌شێت پشكداريێ د ياريا تيمێ دا بكه‌ت ژ ئه‌گه‌رێ هنگافتنێ و ل جهێ وى زنار فه‌يضى دێ بيته گۆلچيێ تيمێ.
ئه‌ڤه دهێته هژمارتن ياريا ئێكێ يا يانا دهۆك ژ خولا نايابا عيراقى پشتى بژار ئيسماعيل سه‌رۆكاتيا يانا دهۆك وه‌رگرتى و داخۆيانيه‌كا رۆژنامه‌ڤانى دا، داخواز ژ جه‌ماوه‌رێ دهۆكێ كر كو ل ياريا ئه‌ڤرۆ يا يانا دهۆك ئاماده بن بۆ پشته‌ڤانيكرنا يانێ.
