عەشقا ئەزەل
ئەلند مزووری
مە جەنگە دگەل ئەڤی چەرخ و زەمانی
ژبۆ وێ یا دگەل مە گۆتی یەزدانی
یا پەیامبەر موحەمەد ژ مەرا ئانی
بۆ هەمی مەخلوقاتی ژبۆ ئینسانی
پەیاما وی راست و رۆن ئاشكەرایە
دەستۆرەك مەزنە و هەر تشت تێدایە
نە بوو رۆژەكێ یان دو و سێ یایە
دگەل هەمی دەم و گاڤان ئەو گۆنجایە
ئەڤجا خۆ هشیاركەن ژ خەوێ و نەزانێ
دونیا نە مولكە تو بگرە ئیمانێ
رۆژی و نڤیژ حەج و زەكات، ب قۆرئانێ
دا سیرات بۆ تە ببیت وەك مەیدانێ
بەسە تو دەستان ژگوننەهان بەردە
گەر بۆ ژینا تە تەڤ بن ئێش و دەردە
رێكا تە دێ خۆش بیت نامینن جەردە
دێ دناڤ بەرا تە و خودایی رابن پەردە
ئەو خالقێ (ژو الجلال و والاكرام)
ئەو خودانە لسەر ڤی ملكی ب خاس و عام
بتنێ ل جم وینە تەڤ نیعمەت بیلتەمام
تم ژ عەشقا وی تو ژخورا پڕكە جام
عەشقا وی عەشقەك پیرۆز و ئەزەلە
بۆ رێكا بەهشتێ چرایەك هەلە
ئەڤجا ژێرا خۆ بكە شاكردە و مەلە
دا ل وێ رێكێ ببی خۆرت و دەست هەلە
دۆزەخا وی ژی ئاگرەك دژوارە
بۆ گونەهكاران هەر تم ئەو لكارە
چ كەسەك تێدا نابیتن هەدارە
بتنێ رزگاربوون ژ وێ ب چاكە كارە
ئەڤجا خوە باش كاربكە ئەی موسلمان
نەخاسمە ئەو دەما كۆ دهێت رەمەزان
گەل خودایێ خۆ تو گرێ دە پەیمان
قەت نەبێژە زوی یە و لەز بكە بێڤەمان
