سێ كورتە چیرۆك
دلدار محەمەد
1
نالین ژ قەیرانا حەفتێ
ئاگر یێ بوویە ئەژدەهایەكی و یێ جوانیێن واری دخوت، لەهیا بێ ئۆمێدیێ هاها تە دیت هەمی تشت خەندقاندن، رۆژا ژیانێ یا لبن گەفێن ئاڤابوونێ، د وێ ژۆرا هەنێ ڤە گەنگەشا رەوشەنبیرایە ئەرێ رۆژێ حەفت ل سەر ئو یێ یە یان ژی ل بن ئڕێ؟!
2
حەبكێن خەوێ
ژ هۆلێ دەركەفتن ، هەڤالێ وی گوتێ: نە چ بابەت بوو، سێ جار ئامادەبوویی نڤستبوون!
ـ تە سەلماند كو بابەت یێ گەهشتی، مانێ ئارمانجا بابەتێ سمینارێ یێ سەرەكی بەلاڤكرنا حەبكێن خەوێ بوو!
3
گۆتارەكا تۆزگرتی
پشتی شەش هەیڤان ژ نە بەلاڤبوونا گۆتارا وی ، نامەیەك بۆ سەرنڤیسەری هنارت:
ـ سلاڤ سەیدا ئەز گەنجەكم ناڤێ من فلانە، بەری چەندەكێ من گۆتارەك بۆ وە هنارتبوو، نزا بۆچی بەلاڤ نەبوو؟
ـ گۆتار دەربارەی چ بوو؟
ـ (بەلاڤبوونا هشیاریێ دناڤ تاكێن جڤاكی دا)
هێشتا نامەیا وی گەهشتی و نەگەهشتی ئێكسەر نامەیا سەرنڤیسەری هات:
ـ ببۆرە دگەل سیاسەتا مە نا گونجیت!
