خولا ستێرێن ئیراقێ دێ هێتە ڕاوەستاندن
قەیس وەیس:
فیدراسیۆنا فوتبۆلا ئیراقێ راگەهاند پشتی ب دووماهی هاتنا یاریێن گەڕا 32 یا خولا ستێران دێ هەڤڕكیێن وێ بۆ ماوەیێ دو حەفتیان هێتە راوەستاندن ژبەر بەرهەڤیێن هەلبژارتیێ ئیراقێ بۆ ڤاڤارتنێن هەڤپشك یێن كۆپا ئاسیا و كۆپا جیهانی.
غالب ئەلزاملی ئەندامێ فیدراسیۆنا فوتبۆلا ئیراقێ بۆ دەزگەهێن راگەهاندنێ گۆت: بڕیارە پشتی ب دووماهی هاتنا هەڤڕكیێن گەڕا 32ێ یا خولا ستێرێن ئیراقێ دۆبارە خول بۆ ماوەیێ دو حەفتییا بهێتە راوەستاندن پێخەمەت دەلیڤە دان بۆ ئەوان یاریزانێن دگەل یانەیێن خولا ستێران دگەل هەلبژارتیێ ئیراقێ بكەڤنە د بەرهەڤیێن راهێنانان دا ئەوێن خوە ئامادەكرن بۆ ڤاڤارتنێن هەڤپشك یا كۆپا ئاسیا 2027ێ و كۆپا جیهانی مۆندیالا 2026ێ.
هەروەسان ناڤهاتی گۆت: دووماهی یارییا گەڕا 32ێ دێ ل دووماهییا ڤێ حەفتیێ بیت و دووڤدا دێ ب سەرپەرشتییا راهێنەرێ هەلبژارتیێ ئیراقێ یێ ئیسپانی كاساس ئەو یاریزانێن دگەل یانەیێن خوە پشكداری راهێنانان دا كەن بەری ب چنە وەلاتێ ئەندونیزیا ژبۆ دیدارا چاڤەڕێ كرن بەرانبەر هەلبژارتیێ ئەندۆنیزیا ل شەشێ خزیرانا بهێتن دیسان دیدارا دویێ دێ ل 11ێ هەمان مەهـ بیت ل یاریگەها بەسرا یا نێڤدەولەتی بەرانبەر هەلبژارتیێ فێتنامێ بیت و دیار كر د ڤان هەردو یارییان دا هەلبژارتیێ ئیراقێ پیدڤی ب سەركەفتنێ هەیە ژبۆ گەشكرنا هیڤیێن دەربازبوونێ بۆ هەردو قارەمانییان.
بۆ زانین هەلبژارتیێ ئیراقێ بەرهەڤیێن خوە د ڤاڤارتنێن هەڤپشك دا بۆ مۆندیالا جیهانی 2026 و كۆپا ئاسیا د كۆما شەشێ دا بەرانبەر هەلبژارتیێن ئەندۆنیزیا، فلیپین و فێتنام.
