چاڤەڕێ چاكسازیەكا باشین د فوتبۆلا ئیراقێ دا
سەرۆكێ فیدراسیۆنا فوتبۆلا ئیراقێ گەشبینییا خوە دیار كر بۆ پاشەرۆژەكا نێزیك دێ چاكسازیەكا باش د فوتبۆلا ئیراقێ دا هێتە كرن و چاڤەڕێ نە دەمەكێ نێزیك بیت نە یێ دوور.
عەدنان درجال د كۆمبوونەكا تایبەت دا دگەل لژنەیا دادڤانان و سەرپەرشتێن یارییان چەند بابەتێن هەستیار بەحسكرن ژ وانا ئەو گازندەیێن بۆ فیدراسیۆنێ دهێن ل سەر بابەتێ سیستەمێ ڤارێ و چاوانییا پێشئێخستنا ئاستێ دادڤانان و زێدەتر پێگیری ب یاسایێ بهێتە كرن.
د پرێس كۆنفرانس دا سەرۆكێ فیدراسیۆنا فوتبۆلا ئیراقێ گۆت: بەری دەستپێكرنا خولا ستێران و پلا نایاب چەندین خولێن ب هێزكرن و پێشئێخستنا ئاستێ دادڤانان هاتبوونە دانان دیسان خولێن تایبەت یێن سیستەمێ VAR پێخەمەت سەركەفتنا كارێ دادڤانان د دەمێ بڕێڤەبرنا هەر یارییەكێ سەرباری بۆ جارا ئێكێ یە و دبیت گەلەك ئاستەنگ و كازندە هەبن لێ یا گرنگ بوو مە ئەو پرۆژەیێ هاتیە دانان هەتا نوكە ل سەر ڕێیەكا دروست یا بڕێڤە دچیت و چاڤەڕێ چاكسازیەكا باشین د فوتبۆلا ئیراقێ دا و ب كەڤیتە د خزمەتا یانە و هەلبژارتیێن مە دا.
