لاوتارۆ: ناسناڤێ خولێ گرنگترە ژ گۆلكەر و باشترین یاریزان
ستێرێ ئەرجەنتینی و هێرشبەرێ یانەیا ئینتەر میلان یا ئیتالی لاۆتارو مارتینێز كەیفخوەشیا خوە دیاركر پشتی تیما وان ب ناسناڤێ خولا كالیچیۆ هاتیە خەلاتكرن پشتی شیایین ب 93 خالان كۆمبكەن و رێزا ئێكێ بهێن.
لاوتارۆ بۆ رۆژنامەیا سپۆرت یا ئیتالی گۆت: ب دەستڤەئینانا ناسناڤێ باشترین یاریزان و گۆلكەرێ خولا ئیتالییا گەلەك كەیفخوەش بووم لێ ب دەستڤەئینانا ناسناڤێ خولێ بۆ من گرنگتر بوو ژ ناسناڤێ كەسۆكی ژبەركو د ماوەیێ سالەكێ دا مە هەموو یاریزانان دناڤ یاریگەهێ دا خوە ماندی دكر پێخەمەت ب گەهینە ئارمانجا خوە یا ناسناڤی و ئەڤچەندە ئەو زەحمەتا مە هەمی یاریزانان بری هەروەیی نەچوو، گەلەك كەیفخوەشم و ئەڤە پالدەرە بۆ وەرزێ بهێت بشێم باشتربم.
بۆ زانین لاوتارۆ مارتینێز شیا 24 گۆلان بۆ تیما خوە ئەنتەرێ بینت ژ سەرجەمێ 37یارییان و ببیتە گۆلكەرێ خولا ئیتالیا و شەش گۆل چێكرینە.
