باژێڕێ دهۆكێ دێ مێڤاندارییا تیكۆنجتسۆیا ئیراقێ كەت
قەیس وەیس:
د داخویانیەكێ دا سەرۆكێ فیدراسیۆنا تیكۆنجتسۆیا ئیراقێ راگەهاند باژێرێ دهۆكێ دێ هەڤڕكیێن قارەمانییا پشكۆژ و تازەپێكەهشتییان ل دەستپێكا هەیڤا بهێت كەت و هەر تشتەكێ پێدڤی ژی دێ هێتە بەردەست كرن.
زێدەتر مەحمود ئیبراهیم عەلی گۆت:د دووماهی كۆمبوونا فیدراسیۆنێ دا بڕیار هاتە دان قارەمانییا تیكۆنجتسۆ ل سەر ئاستێ پشكۆژ و تازەپێگەهشتییان ل شەش هەتا هەشتێ خزیرانا بهێت باژێرێ دهۆكێ مێڤاندارییا وێ بكەت كو دهێتە هژمارتن دەستپێكەك وەكو ڤاڤارتن بۆ یاریزانان و خوە بەرهەڤكرن بۆ قارەمانییا عەرەبی ل سەر ئاستێ هەلبژارتییان و گەشبینن دێ قارەمانیەكا سەركەفتی بیت و هەڤڕكییەكا ب هێز دناڤبەر هەمی یاریزانان هێتە كرن و ئەڤچەندە ژی دێ د بەرژوەندییا ئاستێ یاریێ دا بیت.
هەروەسان ناڤهاتی گۆت: ژێگرتنا باژێرێ دهۆكێ ل سەر ئاستێ هەمی باژێرێن ئیراقێ هات ژبەر هەبوونا خالێن سەركەفتنا قارەمانیێ ژ ئۆتێل، هۆلێن وەرزشی، پشتەڤانی و هەڤكارییا بەرپرسێن حكومی و گەشبینن دێ قارەمانیێن مەزنتر ژی ل پارێزگەها دهۆكێ هەبن و دێ سەركەفتی بن.
