سەرژمێریا گشتی ل هندەك تاخ و گوندێن سێمێلێ دەستپێكر
سێمێل، مووسا خالد:
پشتی بڕیارا وەزارەتا پلاندانانا حوكمەتا هەڕێما كوردستانێ بۆ ئەنجاندانا سەرژمێریا گشتی بۆ گەشەپێدانێ، كو بڕیارە ل مەها یازدە یا ئەڤ سالە ل هەموو ئیراقێ و هەرێما كوردستانێ بهێتە كرن.
ل پارێزگەها دهۆكێ بۆ سەرژمێریا ئەزموونی، دەڤەرداریا سێمێلێ هاتیە دیاركرن، بۆ ڤێ مەرەمێ ژی ل رۆژا 31/5/2024 و ب ئامادەبوونا خەلیل مەحمود، دەڤەردارێ سێمێلێ و چیاڤان عەبدولرەزاق، رێڤەبەرێ ئامارا پارێزگەها دهۆكێ ل گەل تیمەكی ژ ئامارا دهۆكێ ل تاخێ دوبان ل سەنتەرێ دەڤەرداریا سێمێلێ دەست ب پرۆسەیا سەرژمێریا ئەزموونی هاتە كرن، بڕیارە د دەمێ 14 رۆژان دا سەرژمێری ل هەشت تاخ و گوندێن سنوورێ دەڤەرداریا سێمێلێ بهێتە كرن.
