د. سالار عوسمان ل دیاربەکر پشکداریێ د کۆنفرانسەکی دا دکەت
دوهی ١/٦/٢٠٢٤ د. سالار عوسمان، بەرپرسێ پشکا ڕەوشەنبیری و ڕاگەهاندنا پارتی دیموکراتی کوردستان، د کۆنفرانسێ دیاربەکر و د ئێکەمین پانێلدا باسەک دەربارەی پڕۆژەیێ هەرێما کوردستانێ و دوورخستنا مەترسیان پێشکێش کر و تیشک ئێخستە سەر وێ ڕاستیێ، کو هەرێما کوردستانێ دڤێت ب زێهنییەتا ئاشتیێ و چارەسەرکرنێ ل گەل ئیراقێ و هەڤسۆیان بژیت.
د پشکەکا دی یا باسێ خۆ دا بەحسێ ڕیفراندۆم و شانازیێن ڕیفراندۆمێ کر و پاشی تیشک ئێخستە سەر پەیوەندیێن نوکە یێن هەرێما کوردستانێ د ئاستێن ناڤخۆیی و ئیراقێ و ئەقلیمی و جیهانێ دا و هیڤی ژی خواست، کو ب رێیا ئەڤان بزاڤێن دبلۆماسی یێن ڤێ دووماهیێ ئاریشە بهێنە چارەسەر و ئەو ژی رۆهنکر، کو چارەسەرکرنا دۆزا کوردی دێ بیتە ئەگەرێ ژیانەکا باشتر ل دەڤەرێ.
د سالار عوسمان د کۆنفرانسی دا کۆمەکا دیدارێن تایبەت ل گەل پشکەک ژ نڤیسەر و ڕۆژنامەڤان و ئەکادیمستێن باکوورێ کوردستانێ و تورکیا ئەنجامدا.
