رێنما هاتنە ڕاستڤەكرن و سێ یاریزانێن پارێزگەهێ هاتنە پۆلین کرن
قەیس وەیس:
فیدراسیۆنا باسكێت بۆلا ئیراقێ د دووماهی كۆمبوونا خوە دا چەند گوهۆڕین د سیستەمێ ب ڕێڤەبر و ڕاستڤە كرنا هندەك رێنمایان بۆ وەرزێ نوو 2024- 2025ێ هاتنە دەركر ژ وانا سێ یاریزانێن پارێزگەها دهۆكێ بۆ ئیمزاكرنا گرێبەستێن خوە دێ ل دووڤ پلەیا نایاب بۆ هێنە دەستنیشانكرن.
د. خالد نەجم سكرتێرێ فیدراسیۆنا باسكێت بۆلا ئیراقێ گۆت: پێخەمەت پێشڤەچوونا ئاستێ وەرزشا یارییا باسكێت بۆلێ و پێشەكاریكرنا وێ ل سەر ئاستێ ئاسیا هندەك گوهۆڕین د سیستەمێ ب ڕێڤەبرنا خولا پلا نایاب و ڕاستڤەكرنا هندەك ڕێنمایان هاتە كرن بڤی شێوەیی، مولەت هەتا 13ێ ڤێ مەهێ بۆ ئەوان یانەیێن پشكدار د خولا پلا نایاب دا نڤێسارێن پشكداریكرنێ بۆ فیدراسیۆنێ فڕێكەن، هەروەسان هەر یانەكێ مافێ هەیی سێ یاریزانێن پیشەكار یێن دەرڤەیی ئیراقێ بۆ تیما خوە بینت ب مەرجەكی ب تنێ دو یاریزانان مافێ پشكداریێ د یاریێ دا هەیە.
هەروەسان ناڤهاتی گۆت: ژبۆ پۆلینكرنا یاریزانێن خولێ پێخەمەت دانانا گرێبەستێن جیگیر، بڕیار هاتە دان ئەو یاریزانێن دناڤ رێزێن هەلبژارتیێ ئیراقێ دا بهێنە دەستنیشانكرن وەكو كۆما پلەیا نایاب كو گرێبەستا بۆ دهێتە دەستنیشانكرن هەتا 60 ملیۆن دیناران و زێدەتر نینە و هژمارەیا وان 18 یاریزانن و زێدەتر سێ یاریزانان چو یانەیان ماف نینە گرێبەستەكا ب كۆم ئیمزابكەت.
بۆ زانین ئەو 18 یاریزانێن هاتنە دەستنیشان كرن سێ ژوانا یاریزانێن پارێزگەها دهۆكێ نە ئەوژی فرید رەعد یاریزانێ باژێرێ دهۆكێ و یانەیا دیفاع ئەلجەوی یا بەغدایی، موراد عەلی و محەمەد محسن یاریزانێن یانەیا زاخۆ نە، یاریزانێ هەولێرا پایتەخت محەمەد عەبدولخالق ژی دگەل دایە ئەوێ بۆ یانەیا دیفا ئەلجەوی دكەت.
