رۆنالدۆ بۆ مباپی: خەونا تە بۆ راستی چاڤەڕێی دەستكەڤتاینە
ستێرێ پۆرتۆگالی و یاریزانێ نەسر یا سعۆدیێ نامەك بۆ ستێرێ فرەنسی و هێرشبەرێ نوو یێ ریال مەدرید كیلیان مباپی هنارت تێدا پیرۆزباهییا وی كر و كەیفخوەشیا خوە دیاركر كو خەونا وی بجهـ هاتی بوویە یاریزانێ یانەیا ریال مەدرید.
ل دووڤ رۆژنامەیا لیكیپ یا فرەنسی رۆنالدۆی گۆت: پیرۆزە مباپی تو گەهشتییا خەونا خوە یا زارووكینێ كەیفخوەشم تو دێ ببیە ئێك ژ هەلگرێن ناڤێ قارەمانا ئۆرۆپا و ئسپانیا، هەستەكێ مەزنە، تۆ پێدڤی ب ریالێ و ریال ژی پێدڤی ب تە یە، بۆ وەرزێ بهێت ئەم چاڤەڕێ تەینە ژبۆ تۆماركرنا گۆلان و دەستڤە ئینانا ناسناڤان، تە شیانێن مەزن هەنە.
بۆ زانین یانەیا ریال مەدرید یا ئسپانی ل دووشەمبییا بۆری ب فەرمی گرێبەست دگەل ستێرێ فرەنسی كیلیان مباپی ئیمزاكر بۆ ماوەیێ پێنج سالان ب كۆژمەیی 100 ملیۆن یۆرۆیان كو دێ هێتە بەلاڤكرن ل سەر پێنج سالان دگەل پشكەكا داهاتیێن جودا یێن ریكلامان و فرۆتنا درێسێ خوە یێ ریال مەدرید.
