گەشبینم كادرێ راهێنانێ دێ ل سەر خالێن لاوازیێ كار كەت
شاهۆ فەرید:
د داخویانیەكێ دا جاسم محەمەد حاجی سكرتێری یانەیا دهۆك یا وەرزشی و سەرپەرشتێ تیما فوتبۆلێ بۆ رۆژنامەیا ئەڤرۆ دیاركر ئەڤی وەرزی خولا سترێن ئیراقێ گڤاشتنەكا زۆر كەفتیە ل سەر تیمێ و دێ بزاڤێ كەین مفایی ژ راوەستیا خولێ وەربگرین.
زێدەتر ناڤهاتی گۆت: راوەستیانا هەڤڕكیێن خولێ یا بەروەخت دێ تیمێن مەزن وەكو دهۆك و زاخۆ و نەورۆز و هەولێر ژ هەرێمێ دگەل یێن باشووری وەكو مینا و نەفت بەسرا ئەڤە ژ هەمیا پتر دێ بخوە مفایی ژێ بینن چونكو پترێ هەمی یانەیێن ناڤەراستێ و بەغدا هاتن و چوونێ دكەن و تووشی وەستیانێ دبن ژبەر كو دناڤبەرا 48 بۆ 72 دەمژمێران یاریەكێ ئەنجامدەن، ئەڤە د بەرژەوەندیا هەمی یانەیان بیت تایبەت دهۆكێ ئەو دەمێ خول یا بەردەوام راهێنەر نە دشیا لسەر خەلەتێن خوە كاربكەت گەشبینم كادرێ راهێنەران دێ ل سەر خالێن لاوازیێ كار كەت بۆ بەرهەڤكرنا تیمێ شێوازەكێ باش بۆ یاریێن مایی ئەم دەست بەردایی چ یاریزانان نابین.
زێدەتر جاسم حاجی گۆت: سەبارەت خولێن ئاسیا ئەو بڕیارا فیدراسیونا فوتبۆلا ئیراقێ كورسی هەتا رێزبەندیا چارێ و قارەمانێ كاسێ بهێنەدان، هیڤییا مە یا ڤی وەرزی توپ چارێ بین ڤی دەمی رێزبەندیا چار و پێنچ دەستێ مە دانە، ئەڤی وەرزی مەل بەر بوو ئەنجامێن باشتر بینین لێ دەرئەنجامێ گڤاشتنا ل سەر تیمێ و یاریكەرا دەمێ یاریكرنێ ژبەر هندێ مە دیت تیمێن باكوور و باشوور وەستیان دەڤ دیار بۆ دڤان شەش یاریێن دێ هەمی بزاڤان كەین رێزێن پێشیێ بمینن و ب هیڤی نە بۆ وەرزێ بهێت پتر بەرهەڤیا بكەین هەمی یاریزانێن مەنە دەست بەردایی وان نەبین.
