سیپان سه‌دیق: به‌رانبه‌ر جه‌وییه بۆ سه‌ركه‌فتنێ و پێشڤه‌چوونێ دێ جه‌نگین
عەلی حاجی:
دهێته چاڤه‌ڕێكرن ل شه‌مبییا بهێت تیما فوتبۆلا یانه‌یا زاخۆ ل ده‌مژمێر شه‌شێ ئێڤاری مێڤاندارییا یانه‌یا جه‌وییه یا به‌غدایی بكه‌ت ژ چارچوڤێ یاریێن پاشئێخستی كو دبیته یارییا گه‌ڕا ژ خولا ستێرێن ئیراقێ د ناڤ ئەرد و جەماوەرێ خوە دا کەت، تیما زاخۆ د نوكه دا ب كۆمكرنا 55 خالان رێزا پێنجێ دهێت، ژلایێ خوه‌ڤه تیما جه‌وییه ب66 خالان رێزا دویێ دهێت.
ل دور به‌رهه‌ڤیێن تیما زاخۆ سیپان سه‌دیق یاریزانێ تیما كوڕێن خابووری د داخویانیەکێ بۆ رۆژنامەیا ئەڤرۆ دیار کر سەرباری وان نەحەقیێن دژی تیما مه دا هاتیە کرن چاڤێ مه ل سەرکەڤتنێ به‌رانبه‌ر قوە جەوییە. و دێ شه‌ڕی بۆ سێ خالان كه‌ین پێخه‌مه‌ت پێشڤه‌چوون بۆ رێزا چارێ و پاراستنا وێ رێزێ.
هه‌روه‌سان گۆت: پشتی یاریێ دێ ده‌مه‌كێ ڤالا هه‌بیت ژ یاریان، لێ ڕاوەستیانا خولێ دێ بیتە ئەگەرەکێ باش بۆ وان کو ئەو پتر بهێنڤەدانێ بدەنە خوە ژبەر کو هەر سێ رۆژان جارەکێ وان یارییەک د خولێ دا ئەنجامدان و تیما مە ژی ماندیبوو، ئەم نوکە د بەرهەڤیێن تەمام دانە ژ بۆ ئێک ژ گرنگترین یاریێن د ڤی وەرزی دا بەرامبەر جەویە، ئارمانجا مە سێ خالێن یاریێ نە سەرباری هندێ ژی هەژمارەکا یاریزانێن د بێ بەهرن ژ ڤێ یاریێ و ئامادە نابن لێ یا پێدڤی بیت ل سەر ملێ مە وەکو یاریزان دێ ئەنجامدەین و سێ خالێن وێ یاریێ بەرامبەر شەش خالانە،هەرچەندە دێ خول ڕاوەستیت بەلێ دێ کەمپەکێ نافخۆیی دانین و دێ ل سپێدە و ئێڤاران ڕاهێنانان ئەنجام دەین و بۆ دەما رۆژەکێ یە ژی ئەو کەمپە دەست پێکریە.
ناڤبری گۆت ژی: یانەیا دهوک و نەوروز ب هێزا جەماوەرێ خوە سەرکەڤتن ل سەر قوەجەویە تومار کرن و مە ژی پێدڤییەکا مەزن ب جەماوەرێ خوە هەیە د ڤێ یاریێ دا و هەر چەندە د هەمی یاریان جەماوەرێ مە ڕۆلەکێ بەرچاڤ د سەرکەڤتنێن مە دا هەیە.
ل دوماهیێ گۆت: یاریێن مایی ژ خولێ ب یاریێن دوماهیێ دبینن و دێ هەمی شیانان مەزێخین داکو رێزا چارێ ب دەست خوەڤە بینن و پلێتەکا دەربازبونێ بۆ قارەمانیەکا ب دەست خوەڤە بینن.
