صە ب ڕەوینێ نابیتە شێر
د. عارف حیتۆ
صەیەك.. یێ كەتییە ناڤ باغێ گشتی
ڕەوینا وی گوهێن ڕێباران كەلشتی
جارنا سەر كانیێ پیس دكەت
دا كەسەك وی ژبیرنەكەت و ل كۆمبوونێ
بهێتە ڤەجوین وەك بەنیشتی.
* * *
بلبلی گول ئینا بوون بەر سلاڤگەهێ
دا چیرۆكا دێرین ژ دلی دەڕێژكەت و
بسترینا ئەوێ عەشقا ل خلوەتگەهێ
دانیتە سەر ڕوویێ ڕووپاكێ ڕووگەهێ
صەی.. نەهێلا بگەهیتە لێڤا ڕێژگەهێ.
* * *
هزرەكا هێڕا هووركری
د گەلالیشكا بانگدێرەكێ دلینیێدا
ب خریقێن.. دكرە گری
ژبەركو نەكو بمینتە برسی،
صەیێ گوڕی ل سەرێ گری!
* * *
هەكو صەی خوە ژ خودانێ ئێكێ دای بەردان
خۆ سیڤاندۆكێن قەڕمتی ژی بۆ دگریان
بەرمایكێن سەر گویفكێ قەسرێ
سیناهییەك بەردا سەر كێلبێن وەڕمتی و
خودانێن نوو، ئێكو ئێكو بۆ داجڕیان.
* * *
ل بەر سیبەرێ، صە پاشایە
كوریا خوە باددەت و ئەزمانێ خوە،
نیڤ گەزەكێ دكێشتە دەرێ
هەر بەندەمانێ هەستیكا و چنیكایە
پانێ دبێژن: صە ب وەفایە؟!
* * *
صە دڕەویت.. د ڕوویێ مرۆڤاندا دڕەویت
دەنگێ ڕەوینێ ب هەوایڤە، دبژكیت و
د پێڤاژۆیێن نشیڤیێدا بلند دبیت
دهێتە گوهێ وی یێ دنڕیت!
* * *
تەڤ ئاقلمەند و حەكیمێن گەڕەكا مە
هوڕیانە سەر جاددە یێن خەون و خەما مە
ل بەر لڤینێن صەی بوون چاڤدێر..
گۆتن گەلۆ:
چەندی بشۆن ئاسنی ب زەیت و صابوونێ
نابیتە زێڕ
صە ژی ب ڕەوینێ نابیت شێر!
* * *
٢٠٢٣
