كه‌مال محه‌مه‌د دێ ئاخ و برینان زڤرینت
هونه‌رمه‌ند كه‌مال محه‌مه‌د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: من ده‌ست ژ ستران گۆتنێ نه‌به‌ردایه و هه‌تا نوكه ژی سترانان دبێژم و ئه‌ز و هونه‌رمه‌ند فه‌رسه‌ت حسێن دچینه ده‌واتان، به‌لێ كه‌ڤتمه دهنده‌ك كاودانێن نه‌خوه‌ش دا بۆ ده‌مه‌كی ژ ستران گۆتنێ دویركه‌ڤتم.
كه‌مالی گۆت: ئه‌م هونه‌رمه‌ند هێزا خوه دزانن و ده‌مێ من و فه‌رسه‌تی ستران دگۆتن هونه‌رمه‌ند هه‌موو دزانن ئه‌و ل خه‌تێ ئێكێ بۆ ئه‌ز ل خه‌تێ دووێ بووم و گه‌له‌ك ستران من گۆتن خوه‌شی و گێوله‌كێ مه‌زن ددا ده‌واتێ و ده‌نگێ من و فه‌رسه‌تی پێكڤه یێ خوه‌شه بۆ ستران گۆتنێ چ كلیپ بن، یان ده‌وات بن و هه‌كه ئه‌و، یان ئه‌ز سترانا بتنێ بێژین بۆ مه یا نه‌خوشه و ده‌نگێ پێكڤه‌یێ خوه‌شه و خه‌لك گه‌له‌ك حه‌زژێدكه‌ن و ده‌مێ ئه‌م پێكڤه تشته‌كی دبێژین خوشیێ ده‌ته سترانێ گۆت: دده‌مێ خوه دا من چه‌ند ستران گۆت بوون و ئێك ژوان سترانا (ئاخ و برین) بوو كو ژ په‌یڤێن هه‌لبه‌ستڤان و ئاوازدانه‌ر (یوسڤ ره‌مه‌زانن) گه‌له‌ك كه‌سان ژ وێنه‌گرا و خودان كومپانیا داخازا نویكرنا وێ سترانێ ژ من كریه دێ هه‌موو مه‌زاختی و كاری ب سنویێ خوه ڤه‌گرن، به‌لێ حه‌تا ده‌لیڤه هه‌بیت و كاودان من یێن ساخله‌می خوه‌شترلێ بهێن ب ئانه‌هیا خودێ ئه‌و كاره دبه‌رنامێ من دایه و دێ كه‌م، چونكو هه‌موو ده‌مان من كار بۆ پاشه‌رۆژێ كریه و نیكرن و خوه‌شیا سترانێ ژی ل سه‌ر من دمینت و كا دێ مۆزیكێ چێكه‌م و چه‌وا بێژم و ده‌مێ دبینم گه‌نج سترانێن من دبێژن گه‌له‌ك كه‌یفا من دهێت، به‌لێ ده‌مێ دبێژیت وه‌سا بێژیت خوه‌شیێ ژێ بینم و كا چه‌وا من خوه‌شی گه‌هانده خه‌لكی ب سترانا ئاخ و برین ئها ئه‌وژی ئه‌وێ خوه‌شیێ ب گه‌هینه من.
هێشتا گۆت: دبه‌رێ دا من سێ چار به‌رهه‌م چێكرن وه‌كو ستران، به‌لێ پتر ئه‌ز خوه دبینم موزیكژه‌ن و لێده‌رێ گیتارێ و هوینگێ سالێن نوتا ل گه‌ل تیپا دهۆك بووم و ل ئه‌وی ده‌می ته‌له‌ڤزیونا دهۆك ئه‌و تیپه دامه‌زراند و هونه‌رمه‌ند عه‌بدوللا داخاز ژ من و گه‌له‌ك هونه‌رمه‌ندێن دی كر و مه تیپا دهۆك دامه‌زراندل سالا 1991 و ئه‌م دتیپێ دا دبه‌رده‌وام بووین ب گۆتنا سترانا و ژه‌نینا گیتارێ وه‌كو كورس من پشكداری گه‌له‌ك جاران دكر و من هه‌تا پێنچ كلیپان هه‌نه و سرودێن ئاینی ژی من هه‌نه.
