نێزیكی 80% ژ گەنجێن نوكە كارێن جوانكاریێ دكەن
هەرهین محەمەد:
هەردەم گەنج چ كۆر بیت یان كچ، بزاڤێ دكەن سەر و سیمایێ وان یێ جوان و سەرنجراكێش بیت، لەورا بەردەوام ژ بۆ پاراستن و جوانیا سیمایی َخوە قەستا سەنتەرێن جوانكاریێ دكەن دا كو سیمایێ وان جوان ب مینیت، ل دور ڤێ چەندێ ژی خودانا سەنتەرەكێ جونكاریێ دبێژیت: كور پتر چاڤێ خوە ددەنە سەرۆچاڤێن خوە ژ ژنان و ژن ب مكیاجی ناڤچاڤێن خوە پیچدكەن.
سولاڤ تاهر، خودانا سەنتەرێ مسس سولاف بیوتی كو یێ تایبەتە ب ژن و زەلامان ڤە، د دیدارەكێ دا بۆ ئەڤرۆ گۆت: سەنتەرێ من ئێكەم سەنتەرە ل دهۆكێ كارێ جوانكاریێ دكەت بۆ كوران وەكو پاقژكرنا سەروچاڤان و نینوكا و راكرنا خەتێن ناڤچاڤان و شداندنا سەروچاڤان و زیوانان و راڤان و پتریا وان گەنجێن دهێنە سەنتەرێ مە نێزیكی 80% كورن و ب روونشتنەكێ كارێ وان ب دووماهی دهێت و بەرامبەری 10 كوران ژنەك دهێت، ئانكو هاتنا ژنان گەلەك یا كێمە.
زێدەتر گۆت: هاتنا هەر كەسەكێ بهێتە سەنتەرێ مە هەموو ب ژڤانایە و كەس ئێك و دو نابینت و دیسان دەمێن ژن و زەلامان ئێك جودانە و هەروەسا بهایێ كاری بۆ ژن و زەلامان وەكو ئێكە و مە بهایێن ئەرزان و گران نین، بەلێ هەكە بیتە ڤی ئای پی دێ گرانتربیت بۆ ڤان هەموو كاران ژی ئەم دەستوورداینە، دیسان خودان چەندین باوەرنامێن جودا جوداینە و سەرنتەر یێ من ب خوەیە ب تنێ لێ كاردكەم، هەروەسا خولان ژی ڤەدكەم و نوكە من دو قوتابی هەنە دهێن خوە فێردكەن.
ناڤهاتیێ گۆتژی: مە گەلەك گەنج هەنە (ئشتیراك) ل گەل مە هەیە و هندەك حەفتیێ جارەكێ دهێن و هندەك دو حەفتیان جارەكێ دهێن و هەكە ل گەل مە دبەردەوام بن ئانكو (ئشتیراك) هەبیت، دێ بها بۆ وان ئەرزانتربیت ژ وان یێن هەیڤێ جارەكێ دهێن و كارێ مە ژی یێ باوەری پێكریە و هەكە ئەو گەنجێن دهێنە نك مە بۆ پاقژیا ناڤچاڤان پشتی ب دووماهی دهێن چاڤێ خوە دەنە سەرۆچاڤێن خوە هەتا سێ هەیڤان ژی دێ ناڤ چاڤێن وان پاقژ مینن، ل گەل هندێ ژی دڤێت كریمێ هەتا ڤێ بدانن و كریمێ فیتامین سی دا كو پاقژ ب مینن و هەر دیسان ل سەنتەرێ مە، مە كوزمەتیك ژی هەیە ل دووڤ سەروچاڤێن وان ئەز چارەسەریێ ژی دەمێ ئەو ژی ڤیتامین و ملحەم و سابینن و غسولن ئەم چ حەپك و دەرمانان نادەینێ.
زێدەتر ژی گۆت: پتریا گەنجێن دهێنە سەنتەرێ مە یێن زاخۆ و هەولێر و دهۆك و دەوروبەران و ل دووڤ دەمژمێرێن مە یێن كاری رۆژانە هەتا هەشت نەه نەفەران ئەم بۆ كاردكەین و گەلەك سەرۆچاڤ هەبووینە هەتا پێنچ دەمژمێران من ل سەر كاركریە هەتا كو پاقژبووین، چونكو پتریا گەنجێن مە د خەمسارن د چاڤدانا سەرۆچاڤاندا و ئەو كەسێن چاڤدانا سەروچاڤێن خوە دكەن ژی نزانن وەكو پێدڤی، بەلكو خرابتر لێ دكەن، بۆ نمونە كەسەكا نێزیكی وان دێ بێژیتێ فلان كریم ل ناڤچاڤێن من هاتیە و تو ژی ب كاربینە ل وی دەمی ئەو ژی دێ بكارئینت و پشتی هینگێ ئەو كریمە ل ناڤچاڤێن وی ناهێت و دێ ناڤچاڤێن وی خراپتر لێ هێن.
خویاژی كر، پیستێ زەلام و ژنان نەوەكو ئێكە و پیستێ زەلامان قاهیمترە ژ یێ ژنان و د سەر هندێ را زەلام پتر چاڤێ خوە دەتە ناڤچاڤێن خۆ وەكو چارەسەری، بەلێ ژن ب مكیاجی كێماسیێن سەرۆچاڤێن خوە د ڤەشێریت و مكیاجی ژی گەلەك كارتێكرنا خۆ هەیە ل سەر پیستی و كونێت ناڤچاڤان مەزنتر لێ دكەن و دەمێ مكیاجی ژی دانن ل سەر سەروچاڤێن وێ كرێت و قەشاڤی دیاردكەت.
