پڕژین جیهاد: دێ بهرههڤیێن باش بۆ پاراستنا ناسناڤێ كوردستانێ هێنه كرن
پەروین سەلاح:
د دیدارهكا كورت دا ئهنداما كارگێرییا یانهیا ئافرهتێن دهۆك یا وهرزشی و سهرپهرشتا تیما فوتسالێ بۆ رۆژناما ئەڤرۆ دیار كر ئەو مژویلین دگەل لایەنێن پەیوەندیدار ژبو ب دەستڤەئینانا پشتەڤانیا دارایی دا کو ب زووترین دەمدا بەرهەڤیێن باش بكهن بۆ وهرزێ نوو یا خولا فۆتسالا كوردستانێ و پاراستنا ناسناڤێ خوه یێ وهرزێ بوری.
زێدهتر ناڤهاتی گۆت: یانهیا ئافرهتێن دهۆكێ وهكو تاكه یانه ل پارێزگهها دهۆكێ تایبهتمهنده بۆ وهرزشڤانێن كچ، لهوما ژی ههردهم دهرگههێن یانهیێ بۆ ههر كچهكا وهرزشڤان یا خودان شیان بهێته دناڤ رێزێن تیمێن یانهیێ دا، دهست ب كاربوونا مه وهكو كارگێرییا بهروهخت كو نێزیكی 10 مهههن ئهم شیاین چهند ئهنجامێن دلخوهشكهر و ناسناڤێ خولا فوتسالا كوردستانێ ب دهستڤه بینن، پێنهڤێت پشتهڤانییا پارێزگارێ دهۆكێ د. عهلی تهتهر ئێك ژ ئهگهرێن سهركهفتنا مه بوو و ههروهسان وهكو كارگێری ب گیانهكێ كۆم ژبۆ خزمهتا ڤێ یانهیێ ئهگهرهكێ دی بوو، لهوما ژی ئهم گهشبینن بۆ وهرزێ نوو دگهل پشتهڤانییا بهردهوام یا حوكمهتا ههرێما كوردستانێ بۆ وهرزێ نوو و پاراستنا ناسناڤێ كوردستانێ دێ بهرههڤیێن باشتر كهین.
ههروهسان ناڤهاتی دیار كر، فوتسالا یانهیا ئافرهتێن دهۆكێ دێ ب كچێن باژێرێ خوه دگهل چهند یاریزانێن شارهزا ههڤڕكیێ بۆ ناسناڤی كهن و گۆت: دبینم مه ستێرێن باش ل دهۆكێ یێن ههین ئهگهر ب دروستی چاڤدان و پشتهڤان بۆ ههبیت دێ وهرزشا خانمان ل دهۆكێ بهر ب ئاستهكێ باشتر چیت چ ل ههرێما كوردستانێ یان ژی ل ئیراقێ ب گشتی، لێ مخابنی ڤه ئهو پشتهڤانی یا كێمه و بوویه ئهگهر وهرزشڤانا كچ نهشێت بهردهوامیێ بدهته وهرزشێ.