پترییا كێشەیان دێ هێنە چارەسەركرن
سەرۆكێ جڤاتا ئابوورییا ئیراقی راگەهاند: كۆمبوونێن ل گەل جڤاتا ئابوورییا هەرێما كوردستانێ، دێ پترییا كێشەیێن هەلاویستی چارەسەركەن.
د. فوئاد حسێن، وەزیرێ دەرڤە و سەرۆكێ جڤاتا ئابوورییا ئیراقێ گۆت » كۆمبوونێن ل گەل جڤاتا وەزارییا ئابوورییا هەرێما كوردستانێ گەلەك د باشبوون و تێكگەهشتنا گەلەك باش ل دۆر چارەسەركرنا كێشەیێن هەلاویستی هەبوو».
د. فوئاد حسێن كو هەڤدەم جێگرێ سەرۆك وەزیرێن ئیراقێیە ژی گۆت ژ ی» كۆمبوونێن د ناڤبەرا هەردو جڤاتێن ئابووریدا، دێ پترییا كێشەیێن دارایی و ئابووری د ناڤبەرا حوكمەتا فیدرال و هەرێما كوردستانێدا چارەسەركەن».
سەرۆكێ جڤاتا وەزارییا ئابوورییا ئیراقێ رۆهنكر ژی» د كۆمبووناندا مە باس ل مووچە و بۆدجەیا هەرێما كوردستانێ، گۆمرگ، پەیوەندیێن بازرگانی یان دو ئالی، تۆماركرنا كۆمپانییان، وەبەرئێنان وچەندین پرسێن دی هاتە كرن».
